រន្ធត់ទាំងគណកម្មការ និង ទស្សនិកជន! ដោយសារប្តីប្រពន្ធមួយគូភ្លាត់ស្នៀតនៅលើឆាកសម្តែង (វីដេអូ)
ប្តីប្រពន្ធមួយគូបានជាប់ក្នុងកម្មវិធី America’s Got Talent មកដល់វគ្គ Judge Cut តែនៅក្នុងវគ្គនេះពួកគេបានភ្លាត់ស្នៀតនៅការសម្តែងដ៏គួរឲ្យស្ញើបធ្វើឲ្យទាំងគណកម្មការទាំងទស្សនិកជនលស់ព្រលឹងគ្រប់គ្នា ។
នៅក្នុងការសម្តែងដ៏ព្រឺព្រួចលើកំណាត់ឈើចងខ្សែតូចមួយ ប្តីប្រពន្ធមួយគូនេះហក់តោងចាប់គ្នាទៅមកយ៉ាងគួរ ឲ្យស្រៀវ ធ្វើឲ្យអ្នកទស្សនាស្ទើរតែមិនហ៊ានដកដង្ហើម តែមកដល់ឈុតចុងក្រោយបុរសជាប្តីក៏បានយកក្រណាត់ ខ្មៅមកបិទភ្នែករួចត្រៀមតោងចាប់ប្រពន្ធម្តងទៀត ក៏មានការភ្លាត់ស្នៀតដោយនាងបានរអិលរបូតពីដៃប្តីចាប់មិនជាប់ ។
ទោះបីជាមានការភ្លាត់ស្នៀតធ្លាក់មកក្រោមតែនាងមិនមានរបួសអ្វីឡើយ ហើយថែមទាំងសុំសម្តែងម្តងទៀតផងតែត្រូវគណកម្មការបដិសេធដោយនិយាយថា «នេះគឺជាការប្រកួតសមត្ថភាព មិនមែនជាការប្រកួតភាពល្អឥតខ្ចោះនោះទេ អ្នកទាំងពីរមានសមត្ថភាពគួរឱ្យស្ញើចសរសើរ» ហើយក៏អនុញ្ញាតឲ្យពួកគេទៅវគ្គបន្តដែលធ្វើឲ្យប្តីប្រពន្ធមួយគូនេះស្រក់ទឹកភ្នែកដោយក្តីរំភើបរួមទាំងការអបអរពីទស្សនិកផងដែរ ។
America’s Got Talent កំពុងទទួលបានប្រជាប្រិយភាពយ៉ាងខ្លាំងដែលពេលនេះបានមកដល់វគ្គ Judge Cut ហើយ ឯកម្ពុជាយើងវិញកម្មវិធី Cambodia’s Got Talent ក៏កំពុងត្រៀមខ្លួនបង្ហាញដល់ពិភពលោកដូចគ្នាដែលវគ្គដំបូងនឹងធ្វើការចាក់ផ្សាយនៅថ្ងៃទី ៥ ខែសីហា ឆ្នាំ ២០១៨ ខាងមុខនេះហើយ ។
ក្នុងរដូវកាលទី ២ នេះ Cambodia’s Got Talent មានការចូលរួមពីគណកម្មការ ៤ រូបសុទ្ធសឹងជាកំពូលតារាមានបទពិសោធន៍ខ្ពស់គឺ លោក ព្រាប សុវត្ថិ អ្នកនាង ខាត់ សុឃឹម នាយ កុយ និង នាយ ក្រឹម រួមទាំងពិធីករសម្បូរវោហារពីររូបគឺ លោក ជា វិបុល និង លោក សាន វិសាល ផងដែរ ៕
