Galaxy S9|S9+ នាំព្យុះលាភ ព្យុះសំណាង ធ្វើឲ្យកក្រើកពិភពស្មាតហ្វូននៅកម្ពុជា ជាមួយរង្វាន់ពិតៗ ឈ្នះពិតៗ !
រង្វាន់ពិតៗ ឈ្នះពិតៗ សម្រាប់អតិថិជនទូទាំងប្រទេស បានធ្វើឲ្យការលក់របស់ Samsung Galaxy S9|S9+ កើនឡើងហួសពីការស្មាន !
ពីគុណភាពកម្រិតកំពូល ជាមួយមុខងារថ្មីៗ ទំនើបៗចុងក្រោយស្របតាមតម្រូវការ Samsung Galaxy S9|S9+ បានទាក់ទាញអតិថិជនកាន់តែច្រើនឡើងៗ ដែលធ្វើឲ្យកម្រិតនៃការលក់ហក់ឡើងខ្ពស់ ខណៈដែលអតិថិជនក៏សំឡឹងឃើញឱកាសពីការចាប់ឆ្នោតក្នុងកម្មវិធី «ព្យុះលាភ ព្យុះសំណាងនាំមហារង្វាន់» ដើម្បីឈ្នះរង្វាន់ជាច្រើន ពេលកម្មវិធីនេះឈានមកដល់សប្ដាហ៍ទី ៥ ជិតចប់កម្មវិធី (នៅសប្ដាហ៍ ទី ៦) ។
ក្នុងឱកាសប្រគល់រង្វាន់ដល់អ្នកឈ្នះសប្ដាហ៍ទី ៤ កម្មវិធីក៏បន្តចាប់រង្វាន់រកអ្នកឈ្នះសប្ដាហ៍ទី ៥ ដោយបានរកឃើញអតិថិជនឈ្មោ មាស សុធាវី មកពីក្រុងភ្នំពេញ ដែលបានឈ្នះរង្វាន់ធំ ម៉ូតូ Honda ZoomerX ១ គ្រឿង និង អតិថិជនឈ្មោះ នៅ លាងឆេង មកពីក្រុងភ្នំពេញ បានឈ្នះរង្វាន់ទី ២ គឺ Galaxy S9+ 64GB ជាមួយម្ចាស់ហាងលក់ទូរស័ព្ទ វឌ្ឍនា (ផ្សារធំថ្មី) ដែលជាហាងលក់ទូរសព្ទ័មហាសំណាងទៅអ្នកឈ្នះដោយទទួលបាន រង្វាន់ Galaxy S9+ 64GB មួយរង្វាន់ផងដែរ ។
អតិថិជនឈ្នះរង្វាន់ធំកាលពីសប្ដាហ៍ទី ៤ លោក ជា ចាន់សារ៉ាត់ នៅកំពត បានថ្លែងទាំងរំភើបរីក រាយថា «បើនិយាយពីសំណាងនោះ គឺសំណាងមែនទែនហ្មងខ្ញុំ …ព្រោះអីពេលទូរស័ព្ទហ្នឹងចេញមក ខ្ញុំគំទុកក្នុងចិត្តថាហ្នឹងទិញមកប្រើឲ្យបាន ហើយពេលមានលុយទិញ គឺទិញចំក្រុមហ៊ុនមានប្រូម៉ូសិន «ព្យុះលាភ ព្យុះសំណាងនាំមហារង្វាន់» ហើយក៏បានឈ្នះរង្វាន់នេះតែម្ដង…សប្បាយចិត្តមែនទែន ស្ទើរតែមិនគួរឲ្យជឿ…តែវាជារង្វាន់ពិតៗ ឈ្នះពិតៗ» !
ចំណែកអ្នកឈ្នះរង្វាន់ Galaxy S9+ 64GB មកពីរាជធានីភ្នំពេញ ក៏សម្តែងការសប្បាយរីករាយដែរថា «ឃើញគេឈ្នះរង្វាន់សប្ដាហ៍ទី ១ ដូចជាមិនទាន់ជ្រើមប៉ុន្មានទេ ប៉ុន្តែលើកទី ២ មានអ្នកជិតខាងគេឈ្នះ ហើយឃើញថាឈ្នះមែន ក៏សាកខ្លួនឯងឈ្នះដែរតែម្ដង» !
លោក Warren Chew ប្រធានផ្នែកលក់ទូរស័ព្ទដៃរបស់ក្រុមហ៊ុនសាមសុង បានមានប្រសាសន៍ថា «ចូលមកដល់សប្ដាហ៍ទី ៤ និង ទី ៥ នេះ សន្ទុះនៃការគាំទ្រកម្មវិធី «ព្យុះលាភ ព្យុះសំណាងនាំមហារង្វាន់» មានការកើនឡើងជាលំដាប់ ។
លទ្ធផលនេះសបញ្ជាក់ឲ្យឃើញពីការគាំទ្រប្រកបដោយភាពជឿជាក់មកលើ សាមសុង ពីសំណាក់អតិថិជនរបស់យើងទូទាំងប្រទេស» ។ លោកក៏បានបន្តទៀតថា «យើងពិតជាមានភាពរំភើប នៅពេលយើងអាចចែកភាពសប្បាយរីករាយជូនដល់អតិថិជនជាមួយផលិតផលមានគុណភាពផង និង ការផ្ដល់ជូនពិសេសនេះផង ។ តាងនាមឲ្យក្រុមហ៊ុនសាមសុង ខ្ញុំសូមថ្លែងអំណរគុណផងដែរ ដល់ដៃគូចែកចាយទាំងអ្នកលក់ដុំ និង អ្នកលក់រាយដែលខិតខំជំរុញការលក់ មិត្តសារព័ត៌មានដែលជួយគាំទ្រផ្សព្វផ្សាយ ធ្វើឲ្យយុទ្ធនាការនេះមានភាពទូលំទូលាយគ្រប់គ្រាន់សម្រាប់អតិថិជនរបស់យើង ។
ការចាប់រង្វាន់ដ៏រភើបរំជួលចិត្តនេះនៅសល់ ១ លើកទៀតដូច្នោះអតិថិជនទាំងអស់នៅតែមានឱកាសទទួលបានសំណាងឈ្នះមហារង្វាន់ពី សាមសុង ជាមួយរង្វាន់ច្រើនដូចជា ម៉ូតូ Honda Zoomer X, ទូរស័ព្ទ Samsung Galaxy S9+,ទូរស័ព្ទ Samsung Galaxy J6 , ទូរទស្សន៍ Samsung TV 32” និង ធុងបាស Harman Speaker ។ ក្រៅពីនេះកម្មវិធីមានរង្វាន់បន្ថែមចំពោះអតិថិជនភ្លាមៗរាល់ការទិញ Samsung Galaxy S9|S9+ ដូចជា ការបញ្ចុះតម្លៃ $50, ធុងបាស JBL, ឆ្នាំងសាក Wireless, ស្រោមទូរស័ព្ទ LED, និង រង្វាន់ផ្សេងៗជាច្រើនទៀត ។ ជាថ្មីម្ដងទៀតសូមចូលរួមអបអរសាទរដល់អ្នកឈ្នះរង្វាន់ទាំងអស់ប្រចាំសប្ដាហ៍ទី ៥ ។
ខាងក្រោមជាឈ្មោះម្ចាស់សំណាងសប្តាហ៍ទី ៥ ក្នុងកម្មវិធី «ព្យុះលាភ ព្យុះសំណាងនាំមហារង្វាន់» របស់ Samsung Galaxy S9|S9+ ៖
- រង្វាន់ម៉ូតូ Honda Zoomer X ១ គ្រឿងបានទៅលើឈ្មោះ មាស សុធាវី ។
- រង្វាន់ទូរស័ព្ទ Samsung Galaxy S9+ ១ គ្រឿង បានទៅលើឈ្មោះ នៅ លាងឆេង ។
- រង្វាន់ Samsung Galaxy J6 ២ គ្រឿងបានទៅលើឈ្មោះ DAOVANHENG និង ឈ្មោះ រុណ ប៊ុនធឿន ។
- រង្វាន់ទូរទស្សន៏ Samsung TV 32” ៣ គ្រឿងបានទៅលើឈ្មោះ ញ៉ុក សុទ្ធា ឈ្មោះ LY LEANG និងឈ្មោះ ហេង សុធី ។
- រង្វាន់ធុងបាស Harman Speaker ៥ គ្រឿងបានទៅលើឈ្មោះ ពូ សឿន ឈ្មោះ ជិន វណ្ណា ឈ្មោះ លួស លាងជីញ ឈ្មោះ ហ៊ី លីហេង និង ឈ្មោះ លឿង ឆវី ៕
