(វីដេអូ) ក្តៅៗ អគ្គិភ័យមួយកំពុងឆាបឆេះរោងចក្រមួយកន្លែងនៅក្រោយវត្តឃ្មួញ ក្នុងសង្កាត់ក្រាំងធ្នង់ បង្កជាផ្សែងខ្មួលខ្មាញ់ខ្មៅងងឹត
នៅព្រឹកថ្ងៃទី ១៤ ខែមិថុនា ឆ្នាំ ២០២៤ នេះ នាយកដ្ឋាននគរបាលបង្ការពន្លត់អគ្គិភ័យ និង សង្គ្រោះ បានជូនព័ត៌មានបឋមពីករណីភ្លើងឆាបឆេះទីតាំងរោងចក្រមួយកន្លែង ស្ថិតក្នុងខណ្ឌសែនសុខ រាជធានីភ្នំពេញ បង្កជាការភ្ញាក់ផ្អើលយ៉ាងខ្លាំង។
ទាក់ទិនទៅនឹងរឿងនេះ នាយកដ្ឋាននគរបាលបង្ការពន្លត់អគ្គិភ័យ និង សង្គ្រោះ បានបញ្ជាក់ខ្លីឱ្យបានដឹងថា ខណៈពេលនេះមានករណីអគ្គិភ័យកំពុងតែឆាបឆេះរោងចក្រមួយកន្លែង ដែលមានទីតាំងស្ថិតនៅខាងក្រោយវត្តឃ្មួញ ជិតអគារស្នាក់ការកណ្ដាល ប.ស.ស. សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ វេលាម៉ោង ១០:១៥ នាទីព្រឹក ថ្ងៃទី ១៤ ខែមិថុនា ឆ្នាំ ២០២៤ នេះ។
យ៉ាងណាមិញ នេះជាព័ត៌មានបឋមដែលទទួលបានពីនាយកដ្ឋាននគរបាលបង្ការពន្លត់អគ្គិភ័យ និង សង្គ្រោះ សម្រាប់ព័ត៌មានលម្អិតបន្ថែមយើងនឹងជម្រាបជូននៅពេលក្រោយ៕
សូមទស្សនាវីដេអូនៅខាងក្រោម ៖
