ពីក្មេងធ្លាប់បដិសេធស្នេហ៍គេជិត ១០០ នាក់ ដល់វ័យ ៨៦ ឆ្នាំអង្គុយធ្វើស្អុយស្ដាយក្រោយ ព្រោះជីវិតឯកាគ្មានកូនចៅដូចគេ

លោកយាយម្នាក់មានឈ្មោះថា Sophia Zaidi ជាជនជាតិ Tanzania មានអាយុ ៨៦ ឆ្នាំ បានផ្ដល់បទសម្ភាសពីជីវិតរបស់ខ្លួន ដែលឯកាគ្មានកូនចៅដូចគេ។

លោកយាយ Sophia បានរៀបរាប់ថា៖ «ពីមុនមកគ្រួសាររបស់យាយមានភាពតឹងរ៉ឹងចំពោះប្រពៃណី និង ច្បាប់ខ្លាំងណាស់ ព្រោះឪពុកម្តាយមានកាតព្វកិច្ចរកប្តី ឬប្រពន្ធឱ្យកូនៗ ដូច្នេះហើយ កូនៗគ្រប់រូបត្រូវតែរៀបការជាមួយមនុស្សដែលឪពុកម្តាយជាអ្នកជ្រើសរើសឱ្យតែប៉ុណ្ណោះ»។

សម្រាប់លោកយាយ Sophia ក៏បាននិយាយថា ៖ «កាលនោះដោយសារតែមានផ្លូវដើរសម្រាប់ខ្លួនឯង និង ចូលចិត្តភាពឯករាជ្យ ដូចនេះមនុស្សប្រុសជាច្រើនបានចូលមករក តែត្រូវលោកយាយបដិសេធទាំងអស់ ដោយសារតែចង់បានភាពរុងរឿង និង ស្ថិរភាពមួយ បើសិនជារៀបការគឺចង់ជ្រើសរើសដោយខ្លួនឯង»។

លើសពីនេះ លោកយាយ Sophia បានព្យាយាមគេចមុខ និង ជៀសពីមនុស្សប្រុសទាំងអស់នោះណាស់ ហើយក៏មិនធ្លាប់មានស្នេហា ឬស្គាល់ភាពរ៉ូមែនទិកនោះឡើយ។ ក្នុងនោះលោកយាយបន្តថា៖ «ពេលកន្លងមកខ្ញុំរង់ចាំមនុស្សដែលត្រឹមត្រូវម្នាក់ ហើយគិតថាខ្លួនឯងឆ្លាត តែខ្ញុំមិនដែលគិតទេថាជីវិតរបស់ខ្ញុំនឹងត្រូវបញ្ចប់ ដោយការរស់នៅម្នាក់ឯងបែបនេះ»៕