សូមថ្វាយព្រះពរ! ថ្ងៃនេះជាថ្ងៃវិវាហមង្គល អ្នកអង្គម្ចាស់ក្សត្រី នរោត្តម រស្មីពនិតា ប្រារព្ធឡើងនៅព្រះបរមរាជវាំងចតុមុខសិរីមង្គល
ជាថ្ងៃបវរ នៅថ្ងៃទី ១២ ខែកុម្ភៈ ឆ្នាំ ២០២៤ នេះ ប្រជានុរាស្ត្រនៅប្រទេសកម្ពុជា នាំគ្នាសូមថ្វាយព្រះពរថ្ងៃវិវាហមង្គល អ្នកអង្គម្ចាស់ក្សត្រី នរោត្តម រស្មីពនិតា ព្រះប្រធានមូលនិធិមុទិតា និងស្វាមី សូមថ្វាយជូន ព្រះពរសព្ទសាធុការ។
បើតាមការឱ្យដឹងពីផេក វប្បធម៌ខ្មែរ ព្រះវិវាហមង្គលរបស់អ្នកអង្គម្ចាស់ក្សត្រី នរោត្តម រស្មីពនិតា ប្រារព្ធតាមព្រះរាជបវេណីក្នុងព្រះទីន័ងទេវាវិនិច្ឆ័យ នាព្រះបរមរាជវាំងចតុមុខសិរីមង្គល។
គួរឱ្យដឹងផងដែរថា អ្នកអង្គម្ចាស់ក្សត្រី នរោត្តម រស្មីពនិតា ជាព្រះប្រធានមូលនិធិមុទិតា និង ជាព្រះបុត្រីនៃសម្តេចរាជបុត្រីព្រះអនុជ នរោត្តម អរុណរស្មី ឧត្តមប្រឹក្សាផ្ទាល់ព្រះមហាក្សត្រ និង ឯកឧត្តម កែវ ពុទ្ធរស្មី៕
