យំខ្សោះសឹងអស់ទឹកភ្នែក! មិនដល់ ៣ ម៉ោងផង មានគេបន្លំលួចវេរលុយចេញពីកុងអស់លុយ ១០ ម៉ឺនដុល្លារ
ថ្មីៗនេះ មហាជនអ្នកប្រើប្រាស់បណ្ដាញសង្គមហ្វេសប៊ុក បាន និង កំពុងនាំគ្នាភ្ញាក់ផ្អើល ហើយផ្ទុះការចាប់អារម្មណ៍យ៉ាងខ្លាំង ក្រោយបានដឹងករណីមួយដោយមានអ្នកលួចវេរលុយចេញពីកុង ១០ ម៉ឺនដុល្លារ ក្នុងរយៈពេលមិនដល់ ៣ ម៉ោង។
ទាក់ទិនទៅនឹងករណីដ៏គួរឱ្យភ្ញាក់ផ្អើលនេះ តាមរយៈគណនីបុរសម្នាក់ដែលមានឈ្មោះ Chhuy Bunleng បានបង្ហោះនៅថ្ងៃទី ៣១ ខែឧសភា ឆ្នាំ ២០២៣ ថា ៖ «រូបចោរខាងក្រោម បន្លំជាខ្ញុំ ហើយបើក Sim Metfone បានខ្ញុំពិតពិបាកចិត្តណាស់ លេខទូរស័ព្ទ Metfone របស់ខ្ញុំនេះ ប្រពន្ធខ្ញុំជាអ្នកប្រើ ហើយក៏ប្រើសម្រាប់កុង ABA គាត់ដែរផ្ដើមចេញពី Metfone ហេតុអ្វីបានជាបើកស៊ីម Metfone បាន ដែលមិនមែនជាម្ចាស់ទៅបើក Sim Metfone បាន?»។
ជនរងគ្រោះរូបនេះ បានបន្តឱ្យដឹងទៀតថា ៖ «ហើយបន្ទាប់មកមិនដឹងហេតុអ្វីបានអ្នកផ្សេងអាច Log in ABA App បាន ហើយបានវេរលុយចេញអស់ចំនួន ១០ ម៉ឺនដុល្លារ ពី Account ABA សូមបញ្ជាក់មិនដល់ ៣ ម៉ោង អស់លុយ $100 000 ទឹកភ្នែកប្រពន្ធសម្លាញ់ហូរស្រក់ ពិតជាគួរឱ្យអាណិតណាស់។ ញើសឈាមដែលខំរកទាំងថ្ងៃទាំងយប់ ទាំងឈឺ ទាំងជា និង បូកលុយជំពាក់គេ ដើម្បីបង្វិលរកស៊ីពិតអាណិតប្រពន្ធ»៕
