អ្នកណាធ្វើចិត្តបាន! ភរិយាសពប្រាប់ថា ងើបព្រលឹមឡើង ដើរទៅឃើញប្តីក្នុងអាងចិញ្ចឹមក្រពើ ស្ល-ា..ប់យ៉ាងអាណោចអាធ័ម

នៅព្រឹកថ្ងៃទី ២៦ ខែឧសភា ឆ្នាំ ២០២៣ មហាជនអ្នកប្រើប្រាស់បណ្ដាញសង្គម បាននាំគ្នាសម្ដែងការភ្ញាក់ផ្អើល និង ចូលរួមរំលែកទុក្ខគ្រួសារសព ដែលបានដើរធ្លាក់ចូលក្នុងអាងក្រពើបណ្តាលឱ្យខាំរហូតបាត់បង់ជីវិតនៅក្នុងអាងចិញ្ចឹមក្រពើផ្ទាល់តែម្ដង ស្ថិតនៅភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប។

ទាក់ទិនទៅនឹងករណីនេះ មន្ទីរព័ត៌មានខេត្តសៀមរាប បានជូនព័ត៌មានលម្អិតទៅកាន់ រដ្ឋមន្ត្រីក្រសួងព័ត៌មាន ឱ្យបានដឹងថា បុរសវ័យជាង ៧០ ឆ្នាំម្នាក់ ត្រូវបានក្រពើខាំស្លាប់ភ្លាមៗ ខណ:ដែលកំពុងដើរហាត់ប្រាណជុំវិញអាងចឹញ្ចឹមក្រពើរបស់ខ្លួនឯង ហើយរអិលជើងធ្លាក់ចូលអាងចឹញ្ចឹមក្រពើនោះ។

ជនរងគ្រោះរូបនោះ មានឈ្មោះ លួន ណាំ អាយុ ៧២ ឆ្នាំ មានទីលំនៅភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប ជាគណ:កម្មាការវត្តពោធិ៍បន្ទាយជ័យ បានស្លាប់បាត់បង់ជីវិត នៅម៉ោង ៥ និង ៤០ នាទីព្រឹក ក្នុងថ្ងៃទី ២៦ ខែឧសភា ឆ្នាំ ២០២៣ នៅពេលជនរងគ្រោះបានដើរហាត់ប្រាណ ហើយរអិលជើងធ្លាក់ចូលអាងក្រពើ បណ្ដាលឱ្យសត្វក្រពើខំាស្លាប់យ៉ាងអណោចអធ័មនៅកន្លែងកើតហេតុ។

មន្ទីរព័ត៌មាន បានបន្តថា បើតាមភរិយាជនរងគ្រោះបានឱ្យដឹងថា ជនរងគ្រោះជាអ្នកចិញ្ចឹមក្រពើ ហើយតែងហាត់ប្រាណរាល់ថ្ងៃ ប៉ុន្ដែមិនដឹងយ៉ាងម៉េចស្រាប់តែ រូបគាត់បានក្រោកដើរចេញទៅកន្លែងអាងចិញ្ចឹមក្រពើ ក៏ប្រទះឃើញប្តីរបស់គាត់បានស្លាប់នៅក្នុងអាងចិញ្ចឹមក្រពើ។ បច្ចុប្បន្នសពត្រូវបានក្រុមគ្រួសារធ្វើបុណ្យតាមប្រពៃណី។ សូមបញ្ជាក់ថា មកដល់ពេលនេះ អ្នកចិញ្ចឹមក្រពើនៅខត្ដសៀមរាប បានបាត់បង់ជីវិតចំនួន ៣ នាក់មកហើយ ក្នុងនោះមានកូនក្មេងម្នាក់ផងដែរ៕