ក្ដៅៗ! ឈីបខួរក្បាលនៃក្រុមហ៊ុន Neuralink របស់ Elon Musk អនុម័តឱ្យសាកល្បងលើមនុស្សជាផ្លូវការ
ការតេស្តសាកល្បងនៃឈីបខួរក្បាលនៃក្រុមហ៊ុនរបស់មហាសេដ្ឋី Elon Musk អាចនឹងចាប់ផ្ដើមធ្វើឡើងឆាប់ៗ ក្រោយក្រុមហ៊ុនរបស់លោក Neuralink ត្រូវបានខាងរដ្ឋបាលឱសថ និង ចំណីអាហារអាមេរិក FDA អនុម័តឱ្យធ្វើ កាលពីថ្ងៃទី ២៥ ខែឧសភា ឆ្នាំ ២០២៣ កន្លងទៅ។
ជាក់ស្ដែង ខាងបណ្ដាញសង្គមផ្លូវការរបស់ក្រុមហ៊ុ Neuralink បានធ្វើការបង្ហោះដោយក្ដីរីករាយថា រដ្ឋបាល FDA បានលើកដៃ OK ហើយសម្រាប់ការសិក្សាសាកល្បងលើមនុស្សដោយផ្ទាល់ ហើយលោក Elon Musk ផ្ទាល់ក៏បានបង្ហោះលើ Twitter អបអរដល់ក្រុមការងារ Neuralink របស់លោកផងដែរ។
គួរបញ្ជាក់ផងដែរថា ការបង្កើតឈីបខួរក្បាលនៃក្រុមហ៊ុន Neuralink នេះ គឺក្នុងបំណងជួយដល់អ្នកដែលមានពិការភាពឱ្យអាចដើរបានឡើងវិញ ក៏ដូចជាមនុស្សទូទៅធម្មតា ក្នុងការព្យាបាលបញ្ហាសុខភាពមួយចំនួនដូចជា បញ្ហាជំងឺធាត់ អូទីហ្សឹម ជំងឺផ្លូវចិត្តធ្ងន់ធ្ងរ និង ជំងឺវិកលចរិក ជាដើម៕
