លែងខ្វល់រឿងអត់សេវា! អង្គរសង្រ្កាន្តឆ្នាំនេះ ដាក់ Free Wifi ល្បឿនលឿន នៅ ១៦ ទីតាំងនេះ

ជារឿងដ៏គួរឱ្យរំភើបសប្បាយរីករាយ សម្រាប់អ្នកទៅលេងព្រឹត្តិការណ៍អង្គរសង្ក្រាន្តខេត្តសៀមរាប ដោយនៅថ្ងៃទី ១២ ខែមេសា ឆ្នាំ ២០២៣ នេះ តាមរយៈផេកផ្លូវការឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និង ទូរគមនាគមន៍ បានបង្ហោះបញ្ជាក់ពីការអនុញ្ញាតឱ្យប្រើប្រាស់ Public Wi-Fi ដោយឥតគិតថ្លៃ នៅក្នុងព្រឹត្តិការណ៍អង្គរសង្រ្កាន្តខេត្តសៀមរាប។

ឯកឧត្តម បានបញ្ជាក់ឱ្យដឹងថា នៅក្នុងព្រឹត្តិការណ៍អង្គរសង្រ្កាន្ត នៅខេត្តសៀមរាប ចាប់ពីថ្ងៃ ១៤ ដល់ ១៦ ខែមេសា ឆ្នាំ ២០២៣ ក្រសួងប្រៃសណីយ៍ និង ទូរគមនាគមន៍ មានផ្តល់ជូនការប្រើប្រាស់សេវាអ៊ីនធឺណេតដោយឥតគិតថ្លៃ ហើយល្បឿនលឿនថែមទៀត។

សូមបងប្អូនប្រជាពលរដ្ឋ សាធារណជនជាតិ និង អន្តរជាតិ ស្វែងរកទីតាំង​ ១៦ នេះ ហើយអាចភ្ជាប់ដោយ​ QR Code ក្នុងរូបខាងក្រោម ឬ ផ្ទាំងដាក់បង្ហាញនៅតាមទីតាំងជាក់ស្តែងដែលបានកំណត់ ដើម្បីភ្ជាប់ Wi-Fi។ នេះជាតំណភ្ជាប់សម្រាប់មើលទីតាំង Wi-Fi សាធារណៈរបស់ក្រសួង៖ https://mptc.gov.kh/public-wifi/