អ្នកសែនឆេងម៉េងគួរដឹង! អ្នកគ្រូ ណាលី ផ្ដាំថាផ្នូរបែរមុខទៅទិស ២ នេះឆុងខ្លាំង ហាមជួសជុលកាយគាស់ដីម៉ុង ពិសេសក្នុងថ្ងៃទី ៣ មេសា

អ្នកគ្រូ ណាលី ត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ តាមរយៈការចែករំលែកចំណេះដឹងផ្នែកហុងស៊ុយ បែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានា ឱ្យបានត្រឹមត្រូវតាមក្បួនហុងស៊ុយ។

ថ្មីៗនេះផងដែរ តាមរយៈផេករបស់អ្នកគ្រូដែលមានឈ្មោះ My Destiny បានធ្វើការណែនាំទៅដល់អ្នកដែលត្រូវសែនឆេងម៉េងក្នុងឆ្នាំ ២០២៣ នេះ ឱ្យមានការប្រុងប្រយ័ត្នខ្ពស់ក្នុងការសែន ជាពិសេសអ្នកដែលត្រូវសែនចំពោះផ្នូរដែលបែរទៅទិសខាងលិច ឬ ខាងកើត ជាដើម។

អ្នកគ្រូបានបញ្ជាក់ច្បាស់ៗបែបនេះថា ៖ «សូមប្រុងប្រយ័ត្នក្នុងការសែនឆេងម៉េង សម្រាប់ផ្នូរដែលបែរទៅទិសខាងលិច ឬ ខាងកើត ឆុងខ្លាំង ហាមមានការជួសជុលម៉ុង កាយគាស់ដី ក្នុងកំឡុងពេល និង មុនពេលសែនឆេងម៉េង ជាពិសេសនៅថ្ងៃទី ៣ ខែមេសា»៕