ស្រីៗចែកគ្នាដឹង! អ្នកជំនាញរកឃើញថាអ្នកចូលចិត្តផឹកកាហ្វេលើសពី ៣ កែវក្នុងមួយថ្ងៃ ធ្វើឱ្យដើមទ្រូងតូច
សព្វថ្ងៃឃើញមានមនុស្សមិនតិចជាង ៥០% នោះទេ ដែលទទួលទានកាហ្វេរាល់ថ្ងៃ រហូតវាក្លាយជាភេសជ្ជៈមួយដែលជាទីពេញនិយមខ្លាំងចំពោះមនុស្សប្រុសស្រីទូទាំងពិភពលោក។
ខណៈអត្រាអ្នកផឹកកាហ្វេកាន់តែកើនឡើងពីមួយថ្ងៃទីមួយថ្ងៃ ថ្មីៗនេះ ទស្សនាវដ្តីបរទេសមួយឈ្មោះ «British Journal of Cancer» បានចុះផ្សាយថា អ្នកដែលផឹកកាហ្វេមួយថ្ងៃលើសពី ៣ កែវ អាចនឹងបណ្តាលឱ្យមានដើមទ្រូងតូច។ នេះបើតាមការស្រាវជ្រាវពីលោក Helena Jernstrom ចេញពីសកលវិទ្យាល័យមួយក្នុងប្រទេស Sweden ក្រោយការសម្ភាសពីស្រ្តីចំនួន ៣០០ នាក់ ដែលចូលចិត្តផឹកកាហ្វេ។
មូលហេតុដែលញុំាកាហ្វេហើយបណ្តាលឱ្យមានដើមទ្រូងចុះតូច គឺដោយសារតែសារធាតុកាហ្វេអ៊ីនចូលទៅក្នុងរាងកាយច្រើនកាន់ ធ្វើឱ្យប៉ះពាល់ដល់អរម៉ូនក្នុងខ្លួនមនុស្សស្រី ជាហេតុបណ្តាលឱ្យទំហំដើមទ្រូងកាន់តែតូច។
ទោះជាយ៉ាងណា លោក Helena Jernstrom ក៏បានបន្ថែមថា បើទោះបីជាផឹកកាហ្វេលើសពី ៣ កែវ ក្នុងមួយថ្ងៃបណ្តាលឱ្យមនុស្សស្រីមានដើមទ្រូងតូចក៏ដោយ តែកុំភ័យ ព្រោះមិនមែនធ្វើឱ្យដើមទ្រូងតូចរហូតបាត់រាបស្មើឡើយ គ្រាន់តែទំហំថយចុះតែប៉ុណ្ណោះ៕
ប្រភព៖ Glamour , Ejun
