ស្ទីលបោកថ្មី ប្រុងប្រយ័ត្នទាំងអស់គ្នា! ហាមធ្វើបែបនេះឱ្យសោះ បើមិនចង់បាត់អាខោន Telegram
ថ្មីៗនេះ គណនីហ្វេសប៊ុកមួយដែលមានឈ្មោះថា Tieng Ratana បានបង្ហោះពីស្ទីលបោកប្រាស់ថ្មីរបស់ជនខិលខូចដែលមានបំណងចង់លួច (Hack) យកគណនី Telegram ដើម្បីឱ្យប្រជាជនខ្មែរប្រុងប្រយ័ត្នទាំងអស់គ្នា។
ក្នុងការបង្ហោះរបស់ម្ចាស់គណនីនោះបានប្រាប់ពីស្ទីលដែលពួកអនាមិកទាំងនោះចង់លួច (Hack) Account Telegram ដោយដំបូងលោកបានប្រាប់មកថា ពួកគេផ្ញើសារមកឱ្យយើងចុចស្វែងរកពាក្យ «This» ក្នុងប៊ូតុង Search ហើយ screenshot ផ្ញើឱ្យគេ។
បន្ទាប់មក បើសិនជាយើងចុចពាក្យ «This» រួច screenshot ផ្ញើឱ្យគេហើយ គេប្រាកដជានឹងឃើញលេខកូដដែលខាង Telegram ធ្លាប់បានផ្ញើមកគណនីរបស់យើង នៅពេលដែលយើងបាន log in ពីដំបូង។
គួរឱ្យដឹងផងដែរថា ជនខិលខូចដែលភាគច្រើនដើរឆាតបោកប្រាស់គេនោះ ភាគច្រើនសរសេរសារជាភាសាចិន ព្រមទាំងផ្ញើរូបមួយសន្លឹក ពាក់អាវពណ៌ប៉ារ៉ា ផ្ញើទៅគេឯងសឹងគ្រប់គ្នា។ សូមបងប្អូនប្រជាពលរដ្ឋប្រុងប្រយ័ត្នឱ្យបានគ្រប់គ្នា៕
ប្រភព៖ Tieng Ratana
