ឃើញសង្សារទំនងពេក ចាប់តែងស្រីឱ្យឡើងប្រកួតបវរកញ្ញា មានអីឈ្នះបានពានមួយផ្អើលភូមិ

ពិតជាធ្វើឱ្យមានការភ្ញាក់ផ្អើលនៅតាមបណ្តាញសង្គមមិនតិចឡើយ ដោយកាលពីថ្មីៗកន្លងទៅនេះ មានបុរសសង្ហាម្នាក់ត្រូវសង្សារចាប់តែងធ្វើជាមនុស្សស្រី ហើយបញ្ជូនឱ្យឡើងប្រកួតកម្មវិធីសម្រស់ ដោយមើលទៅស្អាតខ្លាំងអត់សរសើរមិនបានឡើយ។

កម្មវិធីមួយនេះ ឈ្មោះថា One Man One Women ត្រូវបានប្រព្រឹត្តទៅនៅខេត្តសុផាន់បុរី ប្រទេសថៃ ជាកម្មវិធីប្រកួតសម្រស់ និង សមត្ថភាព ដែលបើកឱ្យបុរសៗ និង នារីៗភេទទី ៣ ចូលមកប្រកួត ដោយតម្រូវឱ្យមានទាំងការប្រកួតតែងខ្លួនជាស្រ្តី និង ជាបុរសទៀតផង ពោលគឺមនុស្សតែម្នាក់ ត្រូវមានភាពសង្ហា និង ស្រស់ស្អាតជាមួយគ្នា។

នារីជាសង្សារបានឱ្យដឹងថា ក្រោយពីបានដំណឹងពីកម្មវិធីនេះ នាងក៏បានជំរុញឱ្យសង្សាររបស់ខ្លួនចូលប្រកួតតែម្តង ហើយលើសពីនេះទៅទៀត គេហាត់សមមុនប្រកួតមិនដល់ប៉ុន្មានម៉ោងផង តែធ្វើបានល្អខ្លាំងណាស់ គឺអាចដណ្តើមបានលំដាប់រងទីមួយ ក្នុងការតែងជាស្រ្តី និង ថែមទាំងជាប់ក្នុងការតែងជាបុរសទៀតផង។​

យ៉ាងណាមិញ បើក្រឡេកមកមើលសម្រស់របស់បុរសរូបនេះ នៅលើឆាកវេទិកាប្រឡងវិញ គឺពិតជាអត់សរសើរមិនបានឡើយ គេមើលទៅស្រស់ស្អាតប្លែកភ្នែកខ្លាំង មើលមិនដឹងឡើយថាជាបុរសនោះឡើយ។ ដោយឡែក មហាជននៅតាមបណ្តាញសង្គមវិញ ក៏បានសរសើរបែបលេងសើចផងដែរថា គេមានទាំងសម្រស់ ទាំងសមត្ថភាព មើលទៅសឹងតែស្អាចជាងសង្សារឯណោះទៀត៕