១ ពាន់សំណាង! នេះជាក្មេងស្រីម្នាក់ ដែលរួចជីវិត ក្នុងចំណោមក្មេងៗ និង គ្រូដែលប-ាត់ប-ង់ជីវិត ៣៩ នាក់

ហេតុការបាញ់ប្រហារ ទៅលើសាលាប្រង្រៀនក្មេងមួយកន្លែង នៅក្នុងខេត្ត ណងបួរឡាំភូ ប្រទេសថៃ បានកំពុងតែធ្វើឱ្យមានការភ្ញាក់ផ្អើលខ្លាំង ស្ទើរតែគ្រប់ប្រទេសទៅហើយ។ ដោយហេតុការណ៍បាញ់ប្រហារ ទៅលើក្មេងតូចៗ និង គ្រូបង្រៀនចំនួន ៣៩ នាក់នេះ ដោយរាប់ទាំង ជីវិតទារកក្នុងពោះម្ដាយ ដែលជាគ្រូបង្រៀនម្នាក់ទៀត ពិតជាគួរឱ្យតក់ស្លុត និង រន្ធត់ជាពន់ពេក។

សម្រាប់ ជនល្មើស វិញ ក្រោយកើតហេតុភ្លាមៗ រូបគេបានសម្រេចចិត្តសម្លាប់ កូន និង ប្រពន្ធខ្លួន ព្រមទាំងសម្លាប់ខ្លួនឯងតាមក្រោយទៀតផង។ យ៉ាងណាមិញ ក្នុងហេតុការណ៍ដែលរន្ធត់នោះ មានករណីដ៏គួរឱ្យចាប់អារម្មណ៍មួយ ពាក់ព័ន្ធនឹង ក្មេងស្រីម្នាក់ ត្រូវបានគេរាយការណ៍ថា បានរួចរស់ជីវិតពីក្នុងហេតុការណ៍ដ៏សាហាវនោះ។

បន្ថែមពីនោះ ក្រោយផ្ទុះរឿងភ្ញាក់ផ្អើលនៃករណីសម្លាប់ដ៏ព្រៃផ្សៃនេះ គេឃើញសាច់ញាតិរបស់ក្មេងតូច ដែលបានរួចរស់ជីវិតចេញពីហេតុការណ៍នោះ បានបង្ហោះសារថា ៖ «ព្រះគុណរបស់គ្រូបាអាចារ្យ បានជួយឃុំគ្រងក្មួយស្រីតូចរបស់ខ្ញុំហើយ ៣៨ នាក់រួចតែម្នាក់»។

គួរបញ្ជាក់ដែរថា មកទល់ពេលនេះ សពក្មេងៗ និង គ្រូបង្រៀនទាំង ៣៨ នាក់ បាននឹងកំពុងចាត់ចែងធ្វើបុណ្យតាមប្រពៃណីហើយ ដោយបន្សល់ទុកនូវភាពសោកស្ដាយយ៉ាងខ្លាំង ចំពោះក្រុមគ្រួសារ៕

ប្រភព៖ Mgronline