ស្គាល់ទីតាំងទាំងនេះហើយ នឹងអស់បារម្ភរឿងចង់ឈប់សម្រាកពេលធ្វើដំណើរលើផ្លូវល្បឿនលឿន
នៅថ្ងៃទី ៣០ ខែកញ្ញា ឆ្នាំ ២០២២ នេះក្រសួងសាធារណៈការ និង ដឹកជញ្ជូន បានធ្វើការបង្ហាញជូននូវ «ទីតាំងកន្លែងឈប់សម្រាក និង ផ្ដល់សេវាកម្ម» នៅលើផ្លូវល្បឿនលឿន ភ្នំពេញ-ព្រះសីហនុ។
ក្រសួងបានបញ្ជាក់ថា នៅលើផ្លូវល្បឿនលឿន ភ្នំពេញ-ព្រះសីហនុ នេះមានកន្លែងសម្រាប់ឈប់សម្រាក និង ផ្ដល់សេវាកម្ម ចំនួន ៤ ទីតាំង ដែលនៅតាមបណ្ដោយផ្លូវ ដោយទីតាំងនីមួយៗមានស្ថានីយប្រេងឥន្ធនៈ បន្ទប់ទឹក អាហារដ្ឋាន និង កន្លែងផ្ដល់សេវាកម្មផ្សេងៗសម្រាប់ផ្ដល់ឱ្យនូវភាពងាយស្រួលដល់អ្នកធ្វើដំណើរ។
ដោយឡែកទីតាំងទាំង ៤ នោះរួមមាន ៖
១. ទីតាំងកំពង់ស្ពឺ (គ.ម ៤០)
២. ទីតាំងកំពង់ស្ពឺខាងលិច (គ.ម ៦៣)
៣. ទីតាំងកំពង់សិលា (គ.ម ១០៩)
៤. ទីតាំងព្រៃនប់ខាងលិច (គ.ម ១៥៦)
សូមជម្រាបជូនម្ដងទៀតថា «ផ្លូវល្បឿនលឿន ភ្នំពេញ-ព្រះសីហនុ» នឹងបើកឱ្យប្រើប្រាស់សាកល្បងដោយឥតគិតថ្លៃចាប់ពីថ្ងៃទី ១ ដល់ថ្ងៃទី ៣១ ខែតុលា ឆ្នាំ ២០២២៕
រូបភាពដោយ៖ ក្រសួងសាធារណការ និង ដឹកជញ្ជូន
