រកផ្លូវវាង! នៅថ្ងៃ ២៨ ខាងមុខ នឹងផ្អាកចរាចរណ៍លើកំណាត់ផ្លូវនរោត្តម ពីស្តុបជលផល ដល់ស្ពានអាកាសក្បាលថ្នល់

រដ្ឋបាលរាជធានីភ្នំពេញ នៅរសៀលថ្ងៃទី ២៣​ ខែមិថុនា ឆ្នាំ ២០២២ នេះ បានចេញសេចក្ដីជូនដំណឹងស្តីពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន សម្រាប់ពិធីមិទ្ទីញអបអរសាទរខួបអនុស្សាវរីយ៍លើកទី ៧១ ថ្ងៃបង្កើតគណបក្សប្រជាជនកម្ពុជា។

ក្នុងនោះ រដ្ឋបាលរាជធានីភ្នំពេញបានជម្រាបជូនដំណឹងដល់បងប្អូនប្រជាពលរដ្ឋទាំងអស់ក្នុងរាជធានីភ្នំពេញ ឱ្យបានជ្រាបថា  នឹងមានការបញ្ចៀសចរាចរចំពោះយានយន្តគ្រប់ប្រភេទ លើកំណាត់មហាវិថីព្រះនរោត្តម (ចាប់ពីស្តុបជលផល ផ្លូវលេខ ៤១ ដល់ស្ពានអាកាសក្បាលថ្នល់ និង បរិវេណជុំវិញទីតាំងប្រារព្ធពិធី) ចាប់ពីម៉ោង ០៥ ព្រឹក នៅថ្ងៃទី ២៨ ខែមិថុនា ឆ្នាំ ២០២២ ខាងមុខនេះ រហូតដល់បញ្ចប់កម្មវិធី។

ដោយឡែក ការបញ្ចៀសនេះ គឺក្នុងគោលបំណងរក្សាបាននូវសន្តិសុខ សុវត្ថិភាព សណ្ដាប់ធ្នាប់ ក្នុងឱកាសគណៈកម្មាធិការកណ្តាលគណបក្ស ប្រជាជនកម្ពុជា រៀបចំពិធីមិទ្ទិញអបអរសាទរខួបអនុស្សាវរីយ៍លើកទី ៧១ ថ្ងៃបង្កើតគណបក្សប្រជាជនកម្ពុជា នៅវិមាន ​៧ មករា ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់ របស់សម្តេចតេជោ ហ៊ុន សែន៕

សូមអានសេចក្ដីលម្អិតនៅខាងក្រោម ៖