(វីដេអូ) អ្នកនៅភ្នំពេញ បើជួបហេតុការណ៍ចោរគាស់ផ្ទះ ឬ ត្រូវការអន្តរាគមន៍ជួយបន្ទាន់ ទាក់ទងលេខមួយនេះ សមត្ថកិច្ចនឹងទៅដល់ភ្លាម
កងរាជអាវុធហត្ថរាជធានីភ្នំពេញ នាពេលកន្លងមកធ្លាប់បានចេញវីដេអូណែនាំបងប្អូនប្រជាពលរដ្ឋដែលរស់នៅក្នុងភូមិសាស្ត្ររាជធានីភ្នំពេញ ឱ្យបានដឹងថា បើសិនជាបងប្អូនប្រជាពលរដ្ឋបានជួបហេតុការណ៍ត្រូវការអន្តរាគមន៍បន្ទាន់ ពីកងរាជអាវុធហត្ថរាជធានីភ្នំពេញ សូមបងប្អូនហៅទូរស័ព្ទទៅកាន់លេខ ១២៩១ ឬ អាចទាក់ទងមកតាមបណ្តាញ Telegram, WhatsApp, Line របស់កងរាជអាវុធហត្ថរាជធានីភ្នំពេញ តាមរយៈលេខ ០៣១ ៥៥៥៥ ៦៦៩ ឬ ឆាតមកកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie។
ក្នុងនោះ កងរាជអាវុធហត្ថរាជធានីភ្នំពេញ ក៏សូមអភ័យទោសផងដែរ ប្រសិនបើបងប្អូនពុំមានការចាំបាច់ជាក់ស្តែងអ្វីទេ សូមមេត្តាកុំហៅទូរស័ព្ទទៅរំខានក្រុមការងារ ដើម្បីទុកពេលវេលាឱ្យក្រុមការងារ បម្រើពលរដ្ឋផ្សេងទៀត ដែលត្រូវការជំនួយបន្ទាន់ពិតប្រាកដ៕