(វីដេអូ) ធ្លាយដល់ច្បារអំពៅហើយ! យប់មិញឡានពេទ្យចុះយកក្មេងប្រុសអាយុ ៦ ឆ្នាំ សង្ស័យឆ្លង «អូមីក្រុង»
នាយប់ថ្ងៃទី ១២ ខែមករា ឆ្នាំ ២០២២ កន្លងទៅ តាមរយៈគណនីគ្រូពេទ្យមួយរូបឈ្មោះ Yeng Vannak បានបង្ហោះរូបភាពសកម្មភាពចុះយកអ្នកជំងឺកូវីដ-១៩ ជាក្មេងប្រុសអាយុ ០៦ ឆ្នាំ ដល់ទីតាំងគេហដ្ឋានរបស់គេ ដើម្បីឡើងឡានពេទ្យទៅទទួលការព្យាបាល នៅមន្ទីរសម្រាកព្យាបាលជំងឺកូវីដ-១៩។
ក្នុងនោះតាមរយៈគណនីគ្រូពេទ្យបានបញ្ជាក់ច្បាស់ៗថា ៖ «មកដល់ច្បារអំពៅយើងទៀតហើយតើបងប្អូន ប៉េងហួតបឹងស្នោ ៣ កុំ ៣ ការពារ អូមីក្រុង 12.01.2022»។ ក្នុងនោះបើតាមការខំមិនឆ្លើយឆ្លងនៅលើផុសមួយនេះ គ្រូពេទ្យបានបញ្ជាក់ឱ្យដឹងថា ក្មេងប្រុសខាងលើមានអាយុទើបតែ ០៦ ឆ្នាំនោះទេ ហើយត្រូវបានរកឃើញឆ្លងជំងឺកូវីដ-១៩ ពីម្ដាយរបស់ខ្លួន។
គួររំឭកផងដែរថា គិតត្រឹមសេចក្ដីប្រកាសរបស់ក្រសួង កាលពីថ្ងៃទី ១២ ខែមករា ឆ្នាំ ២០២២ ម្សិលមិញនេះ កម្ពុជាមានអ្នកឆ្លងជំងឺកូវីដ-១៩ បំប្លែងថ្មី ប្រភេទអូមីក្រុង នៅក្នុងសហគមន៍ សរុបដល់ទៅ ១៦ ករណីហើយ ដែលជាការព្រួយបារម្ភសម្រាប់ប្រជាជនកម្ពុជា ខណៈរាជរដ្ឋាភិបាល បាន និង កំពុងយកចិត្តទុកដាក់បំផុត ចំពោះការជំរុញការចាក់វ៉ាក់សាំងដូសជំរុញឱ្យទាន់ពេលវេលា ដើម្បីទប់ស្កាត់ហានិភ័យជូនប្រជាពលរដ្ឋទូទាំងរាជធានី-ខេត្ត៕
សូមទស្សនាវីដេអូនៅខាងក្រោម ៖
