បើមើលទៅរូបរាងខាងក្រៅនៃ នំស្លឹកខ្ទឹម ហាក់ស្រដៀងគ្នានឹងពងទាក្រឡុកចៀន ដែលគ្រាន់តែថែមស្លឹកខ្ទឹមយ៉ាងដូច្នោះ តែនំប្រភេទនេះគឺមានរសជាតិឆ្ងាញ់ជាប់មាត់ខ្លាំងណាស់ ប្រសិនជាលោកអ្នកយកវាជ្រលក់ជាមួយទឹកជ្រលក់ដែលមានរសជាតិផ្សេងៗគ្នាទៅតាមចំណូលចិត្ត ។
-គ្រឿងផ្សំនំស្លឹកខ្ទឹម
ស្លឹកខ្ទឹម ១០០ ក្រាម កាត់ជាកង់ៗប្រហែលជា ៥ ថ្នាំងដៃ ឬ ខ្លីៗតាមចំណូលចិត្ត, ម្សៅ ១៥០ ក្រាម, ស្កសរ កន្លះស្លាបព្រាបាយ, ទឹក ២៥០ មីលីលីត្រ, ទឹកសណ្តែកសៀង (ខាប់) ១ ស្លាបព្រាបាយ, ប្រេងឆា ។
-វិធីធ្វើ
១. ជាការចាប់ផ្តើមក្នុងការធ្វើនំមួយមុខនេះ អ្នកត្រូវយកស្លឹកខ្ទឹមយកទៅលាងទឹកឲ្យស្អាត រួចហើយអ្នកត្រូវយកវាកាត់ជាកង់ៗដែលមានប្រវែងប្រហែលជា ៥ ថ្នាំងដៃ ។
២. បន្ទាប់មក អ្នកត្រូវធ្វើការលាយម្សៅដោយដាក់ម្សៅ ១៥០ ក្រាម, ទឹកសណ្តែកសៀង ១ ស្លាបព្រាបបាយ, ស្កសរកន្លះស្លាបព្រាបាយ ហើយកូរបញ្ចូលគ្នាឲ្យសព្វ ។
៣. អ្នកត្រូវដាក់ខ្ទះឲ្យក្តៅសិន រូចមកដាក់ប្រេងឆា រង់ចាំបន្តិចសិនសឹមដាក់ស្លឹកខ្ទឹម និង ម្សៅចូល (ម្សៅដាក់ឲ្យសព្វពីលើស្លឹកខ្ទឹម) ដោយប្រើកម្តាំងសមល្មមឲ្យឆ្អិនម្ខាងអាចត្រលប់ទៅម្ខាងទៀតបានជាការស្រេច ។
-ររៀបធ្វើទឹកជ្រលក់
គ្រឿងផ្សំ ៖ ទឹកស៊ីអ៊ីវ ២ ស្លាបព្រាបាយ, ទឹកខ្មេះ ១ ស្លាបព្រាបាយ, ស្កសរ ១ ស្លាបព្រាកាហ្វេ, ខ្ទឹមបារាំង កាត់ជាដុំៗ តូចល្មម, ស្លឹកខ្ទឹម កាត់ជាកង់ៗប្រវែង ១ ថ្នាំងដៃ, ម្ទេសក្រហម និង ល្ងស ១ ស្លាបព្រាកាហ្វេលីងឲ្យឈ្ងុយ ។
វិធីធ្វើទឹកជ្រលក់ ៖ យកគ្រឿងផ្សំទាំងអស់ដាក់ចូលគ្នា រួចកូរឲ្យសព្វជាការស្រេច ៕
ប្រភព៖ Choub romdoul