បើគិតមកដល់ពេលនេះ រយៈពេលប្រមាណ ១ ខែ មកហើយ ដែលតារាចម្រៀងស្រស់សោភា អ្នកនាង រ៉ាប៊ី និង កីឡាករបាល់ទាត់កូនកាត់ខ្មែរ អាមេរិក Nick Taylor បានរៀបការនឹងគ្នាក្លាយទៅជាស្វាមីភរិយាកាលពីថ្ងៃទី ០៩ ខែឧសភា ឆ្នាំ ២០២៥ កន្លងទៅ។
ក្នុងនោះ ក្រោយពីរៀបការរួចគូស្វាមីភរិយាថ្មីខាងលើ កាន់តែមមាញឹកខ្លាំងឡើងៗក្នុងកិច្ចការងារផ្សេងៗ ជាហេតុធ្វើឱ្យអ្នកនាង រ៉ាប៊ី និង លោក Nick Taylor ទើបមានពេលវេលាផ្ទាល់ខ្លួន ដើរកម្សាន្តជាមួយគ្នាលើកដំបូងក្នុងនាមជាប្តីប្រពន្ធទៅកោះម៉ាល់ឌីវ កាលពីសប្តាហ៍មុន ពោលគឺក្រោយរៀបការជិត ១ ខែ ទៅហើយ។
យ៉ាងណាមិញ ស្រាប់តែកាលពីថ្ងៃទី ០៨ ខែមិថុនា ឆ្នាំ ២០២៥ កន្លងទៅ អ្នកនាង រ៉ាប៊ី បានបង្ហាញវីដេអូជូនដំណើរស្វាមីទៅក្រៅប្រទេស ដោយការធ្វើដំណើរលើកនេះ អ្នកនាង រ៉ាប៊ី បានឱ្យដឹងថា គឺរយៈពេលយូរ ព្រោះស្វាមីទៅចូលរួមជាកីឡាករបាល់ទាត់ក្រុម PT Prachuap របស់ប្រទេសថៃ៕
សូមចុចទីនេះ ដើម្បីទស្សនាវីដេអូ៖
