កាលពីពេលថ្មីៗកន្លងទៅនេះ មហាជននិយមតាមដានស្រីស្អាត SK ច្បាស់ជាបានឃើញហើយ នូវវត្តមានរបស់នាងក្នុងការដើរបង្ហាញម៉ូដឈុតសម្លៀកងបំពាក់នៃប្រ៊េន ALmée Couture របស់អ្នកច្នៃម៉ូដល្បីឈ្មោះ Taing Sokhang នៅក្នុងថ្ងៃសន្និសីទកាសែត អំពីការបោះជំហ៊ាន ទៅលើវិស័យឆ្នៃម៉ូដសំលៀកបំពាក់ និងដាក់បង្ហាញ លើឆាកអន្តជាតិ នៅទីក្រុង ញ៉ូយ៉ក សហរដ្ធអាមេរិក New York Fashion Week កាលពីថ្ងៃទី ១ ខែកញ្ញា ឆ្នាំ ២០២៥ កន្លងទៅ។
ក្នុងនោះដែរ តារាចម្រៀងស្រស់សោភារបស់ផលិតកម្ម Gen Music កញ្ញា SK បានដើរបង្ហាញម៉ូដនៅលើឆាកជាមួយនឹងលំដាប់បវរកញ្ញា និង តារាបង្ហាញម៉ូដមានប្រជាប្រិយរបស់ប្រទេសកម្ពុជាជាច្រើនរូបទៀត រួមមាន កញ្ញា ឈុំ ចាន់ដារ៉ា, កញ្ញា ផន ស្រីពី និង កញ្ញា Melia ជាដើម។
ងាកទៅកាន់ស្រីស្អាត SK ឯណោះវិញ ដូចមហាជនបានជ្រាបហើយថា នេះក៏មិនមែនជាលើកទីមួយ ដែលនាងបានដើរបង្ហាញខ្លួនលើឆាកដើរម៉ូដនោះទេ ប៉ុន្តែរាល់ការបង្ហាញវត្តមានម្តងៗលើឆាក Fashion Show បែបនេះ កញ្ញា SK កាន់តែលេចធ្លោខ្លាំង មិនខុសពីពេលច្រៀងរាំក្នុងនាមជាតារាចម្រៀងនោះឡើយ។
ជាងនេះទៅទៀត បើក្រឡេកទៅមើលអ្នកគាំទ្រវិញ គឺតែងតែចូលទៅបញ្ចេញមតិសរសើរដល់កញ្ញា SK រហូតខ្លះថា ជាទេវតាលើដី ក៏ព្រោះសម្រស់ស្រស់សោភារបស់នាង។ លើសពីនោះ មានអ្នកគាំទ្រចូលទៅបញ្ចេញមតិចង់ឃើញកញ្ញា SK ចូលរួមប្រកួតមានតំណែងជាបវរកញ្ញាថែមទៀតផង៕
