ថ្មីៗនេះ ផេក Drama Addict របស់ថៃ បានទម្លាយពីករណីមួយ ដែលជាករណីកើតចេញពីកម្ទេចអាចម៍ដែកធ្លាក់ក្នុងអាហារ ដែលបង្កឱ្យអ្នកបរិភោគធ្លុះពោះវៀន ប៊ិះនឹងអស់ជីវិត។
តាមព័ត៌មានបានឱ្យដឹងថា មានបុរសម្នាក់បានទទួលទានអាហារ ហើយមិនបានប្រយ័ត្ន ថែមទាំងមិនបានមើលក៏បានញ៉ាំដោយអាចម៍ដែកដុះឆ្នាំងដែលនៅក្នុងអាហារនោះចូលក្នុងពោះ។ ក្រោយមកក៏ស្រាប់តែមានអាការឈឺពោះធ្ងន់ធ្ងរ រហូតត្រូវបញ្ជូនទៅមន្ទីរពេទ្យភ្លាមៗ។
ទៅដល់មន្ទីរពេទ្យ ខាងគ្រូពេទ្យពិនិត្យទៅក៏បានឃើញថាអ្នកជំងឺបានធ្លុះពោះវៀន ហើយបើសិនជាទុកយូរជាងនេះទៀតអាចនឹងបណ្តាលឱ្យមានមេរោគឆ្លងចូលទៅក្នុងសរសៃឈាម និង បណ្តាលឱ្យបាត់បង់ជីវិតបាន ទើបប្រញាប់ធ្វើការវះកាត់ព្យាបាល។ យ៉ាងណាមិញ គ្រូពេទ្យបានវះកាត់ក៏ឃើញសរសៃអាចម៍ដែកដុះឆ្នាំងនោះមែន ហើយក៏បានលើកករណីនេះ មកដាស់តឿនឱ្យមហាជនមានការប្រុងប្រយ័ត្នក្នុងការបរិភោគអាហារ៕
ប្រភព៖ Khaosod
