(វីដេអូ) ធ្លាប់រាប់អានដើរជុំជើងគ្នា! ចេន គ្មានលាក់ទម្លាយពីរឿងអតីតរបស់ វណ្ណដា កាលតស៊ូលើវិស័យចម្រៀងដំបូងៗ

ជាការពិតណាស់ ក្រោយពីការបញ្ចប់ការប្រគំតន្ត្រីទោល «ត្រីវិស័យ សុវណ្ណភូមិ» របស់ វណ្ណដា ហើយនោះ កេរ្តិ៍ឈ្មោះរបស់តារាចម្រៀងរ៉េបនេះ កាន់តែត្រូវបានមហាជនជាច្រើនយកមកលើកសរសើរ ខណៈ វណ្ណដា បានស៊ូកបញ្ជូលនូវអរិយធម៌ វប្បធម៌ដ៏សម្បូរបែបចូលទៅកាន់តន្ត្រី Hip-Hop និង រ៉េបរបស់លោក។

ស្របគ្នានេះដែរ ក្រោយពីឃើញភាពជោគជ័យរបស់ វណ្ណដា តារាចម្រៀងប្រុសសំឡេងស្រទន់ លោក ចេន សមាជិកក្រុម​ Nevrmind Band បានបង្ហាញអារម្មណ៍ក្នុងកម្មវិធី អ្នកជិតខាង ចំពោះ វណ្ណដា ក៏ព្រោះតែលោកធ្លាប់រាប់អានគ្នា នៅជួបជុំដូចបង ដូចប្អូន។

ក្នុងនោះ លោក ចេន រៀបរាប់ថា៖ «បើយើងនិយាយពីវិស័យ Hip Hop ក៏ដូចជារ៉េប នេះគឺជាសញ្ញា ដែលខ្ញុំសប្បាយចិត្តខ្លាំងមែនទែន ដូចប្អូនៗ ដែលគាត់ខិតខំ … បើសិនគ្រប់គ្នាមានការគិតដូចជាគាត់ចឹងរីកចម្រើនច្រើន។ និយាយចំៗ ដូច វណ្ណដា គឺគាត់ស៊ូតាំងពីដើម ជំនាន់គាត់ស៊ូ គឺពួកយើងនៅជាមួយគ្នា ជាបងជាប្អូនច្រើន ចឹងពួកយើងដឹងកម្រិតតស៊ូ យើងដឹងការលើកដាក់ខ្លួន យើងដឹងថាដើរទៅផ្លូវម៉េច ដែលអត់កំណត់ ចឹងពួកយើងដឹងទាំងអស់។ ចឹងខ្ញុំគិតថា វណ្ណដា ធ្វើបានសព្វថ្ងៃនេះ សិល្បៈរ៉េបយើងបានសព្វថ្ងៃនេះ គ្មានអ្នកណាមកធ្វើឱ្យគាត់ទេ គឺពួកគាត់ខំដោយខ្លួនឯងទាំងអស់»៕

សូមចុចទីនេះ ដើម្បីទស្សនាវីដេអូ៖