ថ្មីៗនេះ លើបណ្ដាញសង្គមហ្វេសប៊ុកមហាជនអ្នកគាំទ្រ ក៏ដូចជាអ្នកស្ថិតក្នុងវិស័យសិល្បៈជាច្រើន បានចែករំលែកបង្ហាញការបារម្ភខ្លាំងដល់តារាកំប្លែងជើងចាស់ល្បីឈ្មោះ នាយ កុយ ក្រោយពីទទួលដំណឹងថាលោកបានធ្លាក់ខ្លួនឈឺកំពុងសម្រាកព្យាបាលនៅមន្ទីរពេទ្យ។
នេះបើតាមរយៈការបង្ហោះលើហ្វេសប៊ុកផេករបស់សមាគមសិល្បករខ្មែរ ដោយបានសួរសុខទុក្ខ និង ជួយឧបត្ថម្ភថវិកាដល់តារាកំប្លែងរូបនេះ សម្រាប់ព្យាបាលជំងឺ បានបង្ហាញរូបភាពនៃស្ថានភាពរបស់ នាយ កុយ កំពុងសម្រាកនៅមន្ទីរពេទ្យ ប៉ុន្តែពុំបានបញ្ជាក់ពីអាការៈជំងឺរបស់លោកឡើយ។
ក្រោយពីទទួលបានដំណឹងនេះ មហាជនអ្នកគាំទ្រ និង អ្នកសិល្បៈជាច្រើន បានបង្ហោះសារបង្ហាញការព្រួយបារម្ភសួរសុខទុក្ខ និង ជូនពរឱ្យតារាជើងចាស់នាយ កុយ ឆាប់ជាសះស្បើយពីជំងឺផងដែរ៕
