សារព័ត៌មានបរទេស បានរាយការណ៍ពីករណីដ៏គួរឱ្យហួសចិត្តរបស់បុរសម្នាក់នៅឯតៃវ៉ាន់ ដែលមានកែវសេរ៉ាមិចជាប់នៅក្នុងរន្ធគូថអស់ ៣ ថ្ងៃ សុខចិត្តត្បៀតទុក ទាល់តែជិតដាច់ខ្យល់ ទើបរត់ទៅរកពេទ្យ។
តាមព័ត៌មានបានឱ្យដឹងថា បុរសរូបនេះមានអាការឈឺពោះ និងបត់ជើងធំមិនចេញចំនួន ៣ ថ្ងៃជាប់គ្នា ទើបសម្រេចចិត្តទៅមន្ទីរពេទ្យ។ អ្វីដែលគួរឱ្យភ្ញាក់ផ្អើល គ្រូពេទ្យបានធ្វើការថតមើលទៅ ស្រាប់តែឃើញថាមានកែវសេរ៉ាមិចប្រវែង ៨ សង់ទីម៉ែត្រ និងទទឹង ៦ សង់ទីម៉ែត្រ កំពុងជាប់នៅក្នុងរន្ធគូថបុរសនោះ។ គ្រូពេទ្យបានព្យាយាមយកកែវនោះចេញដោយប្រើវិធីធម្មតា តែយកមិនបាន ព្រោះតែកែវនោះរអិលពេក ចុងក្រោយទើបគ្រូពេទ្យសម្រេចថាធ្វើការវះកាត់វិញ។
ក្នុងនោះ គ្រូពេទ្យបានធ្វើការវះកាត់អស់ចំនួន ២ ម៉ោង ក្នុងការយកកែវនេះចេញមកវិញ ដោយបញ្ជាក់ឱ្យដឹងថាបើសិនជាវះកាត់មិនទាន់ទេ អាចនឹងបង្កឱ្យមានគ្រោះថ្នាក់ដល់ជីវិត ព្រោះតែសាច់ពោះវៀនអាចនឹងស្ពឹក ឬងាប់បាន ដោយសារតែឈាមចូលមកចិញ្ចឹមមិនគ្រប់គ្រាន់។ យ៉ាងណាមិញ បុរសខាងលើនេះបានសារភាពឱ្យដឹងថា គេបានព្យាយាមជុះបញ្ចេញកែវនេះវិញដោយខ្លួនឯងដែរ មុននឹងមកជួបគ្រូពេទ្យ តែមិនបានសម្រេច ហើយក៏សារភាពទៀតថា កែវមួយនេះរអិលចូលទៅក្នុងរន្ធគូថដោយឧបទ្ទវហេតុ៕
ប្រភព៖ The Sun US
