នៅថ្ងៃទី ៧ ខែកក្កដា ឆ្នាំ ២០២៥ នេះ ផេក Fire and Resue Thailand បានរាយការណ៍ពីករណីអគ្គិភ័យមួយទៀតហើយ ដែលបានកើតឡើងទៅលើរោងចក្រផលិតខ្សែកៅស៊ូមួយកន្លែង បង្កឱ្យមានការខូចខាតយ៉ាងធ្ងន់ធ្ងរ។
តាមព័ត៌មានបានឱ្យដឹងថា រោងចក្រខាងលើនេះ ស្ថិតនៅក្នុងតំបន់ Ban Koh ស្រុក Muang ខេត្ត Samut Sakhon។ ក្នុងនោះ អគ្គិភ័យបានឆាបឆេះនៅក្នុងឃ្លាំងស្តុកកៅស៊ូ និង សាំង នៅម៉ោងប្រហែលជា ១០ និង ៣០ នាទីព្រឹក បង្កឱ្យមានការឆាបឆេះរាលដាលទៅកាន់ឃ្លាំងទាំងមូលយ៉ាងសន្ធោសន្ធៅ បង្ហាញឱ្យឃើញផ្សែងខ្មួលខ្មាញ់បាញ់ពេញផ្ទៃអាកាស។
យ៉ាងណាមិញ អាជ្ញាធរបានធ្វើការអន្តរាគមន៍ជួយពន្លត់ ដោយប្រើឡានទឹកចំនួន ២០ គ្រឿង តែការពន្លត់នេះហាក់ដូចជាមិនងាយស្រួលឡើយ ព្រោះភ្លើងបានឆាបឆេះរាលដាលលឿន និង ខ្លាំងពេក។ ដោយឡែក ក្នុងករណីនេះនៅមិនទាន់មានព័ត៌មានទាក់ទងនឹងអ្នករងរបួសនៅឡើយទេ៕
ប្រភព៖ Khaosod
