ថ្មីៗកន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រធ្លាប់បានទស្សនារឿងភាគល្បីរបស់ស្ថានីយទូរទស្សន៍បាយ័ន «ភូមខ្ញុំស្រស់ឆើតឆាយ» ដែលល្បីខ្លាំងកាលពីអំឡុងឆ្នាំ ២០០០ មានការភ្ញាក់ផ្អើលយ៉ាងខ្លាំង ក្រោយឃើញស្ថានភាពបច្ចុប្បន្នរបស់លោក ឡុង វីរៈយុទ្ធ តួឯកប្រុសដោយមានឈ្មោះក្នុងរឿងថា នាយភូ។
តាមរយៈការបង្ហោះចែករំលែករូបភាពរបស់លោក ឡុង វីរៈយុទ្ធ លើបណ្ដាញសង្គមជាហូរហែ ដែលឃើញថាលោកមានសភាពស្គមស្គាំង សម្រស់ប្រែប្រួលខុសកាលពីមុនខ្លាំង និង បានឱ្យដឹងថាបច្ចុប្បន្នលោកធ្វើការជាអ្នករត់តុឱ្យគេនៅហាងមួយកន្លែង។
ដោយឡែក ក្រោយពីផ្ទុះភ្ញាក់ផ្អើលលើបណ្ដាញសង្គមទាក់ទឹងនឹងស្ថានភាពរបស់លោក ឡុង វីរៈយុទ្ធ មួយរយៈថ្មីនេះ ឃើញថាលោកត្រូវបានមហាជនចាប់អារម្មណ៍ និង មានទីផ្សារជាថ្មី ខណៈឃើញមានម្ចាស់ផលិតផលផ្សេងៗអញ្ជើញលោកថតផ្សព្វផ្សាយ និង សម្ដែងសាច់រឿងខ្លីៗ។ ក្នុងនោះដែរ លោក ឡុង វីរៈយុទ្ធ ក៏បានចាប់ផ្ដើមថែរូបសម្រស់ និង សុខភាពឡើងវិញ ព្រមទាំងប្ដូរស្ទីលលេងខ្លួន ទាំងម៉ូតសក់ មុខមាត់ រូបរាងប្លែកសង្ហាជាងមុនផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
