បច្ចុប្បន្ន សិល្បៈសាក់រូបលើដងខ្លួនទទួលបានការពេញនិយមខ្លាំងពីសំណាក់យុវវ័យ។ អ្វីដែលសំខាន់ ពួកគេនិយមសាក់រូបបែបសហសម័យ ដែលប្រើរូបបែបទំនើបលាយជាមួយក្បាច់ខ្មែរ ឬរូបអត្តសញ្ញាណជាតិផ្សេងៗ បញ្ចូលគ្នាមើលមកឡូយបំផុត។
កាន់តែអស្ចារ្យទៀតនោះ ឥលូវនេះ សិល្បករសាក់យើងក៏មានទឹកដៃមិនធម្មតា ដោយសាក់រូបមើលមកប្រណីត មានភាពលម្អិតខ្លាំង ជាពិសេស អាចចាក់ចេញជារូប ពណ៌ និង ស្រមោល ដូចចម្លាក់ថ្មប្រាសាទពិតៗ។
តួយ៉ាង តាមរយៈកន្លែងចាក់សាក់មួយកន្លែង ដែលមានទំព័រហ្វេសប៊ុកឈ្មោះ 777 tattoo studio ឃើញថា ទឹកដៃរបស់សិល្បករសាក់ពិតជាអស្ចារ្យ មើលមករស់រវើក ហើយសិល្បករសាក់គឺជាកូនខ្មែរយើងតែម្តង។
បើតាមការលម្អិតលើទំព័រហ្វេសប៊ុក កន្លែងចាក់សាក់នេះមានឯកទេសខាងចាក់សាក់ស្ទីលអង្គរ ផ្តោតលើសិល្បៈខ្មែរកែច្នៃឡើងវិញតាមរយៈទឹកថ្នាំទំនើប៕
