ពិតណាស់ ក្រោយពីចាប់ដៃគ្នាសាងសុភមង្គលក្នុងជីវិតប្ដីប្រពន្ធជាង ១ ឆ្នាំ ថ្មីៗកន្លងទៅ ពិធីការិនី ហ៊ិន ច័ន្ទនីរ័ត្ន បានប្រកាសដំណឹងយ៉ាងរំភើប ដោយរៀបចំ Surprise ស្វាមី និង មហាជនឱ្យដឹងថានាងកំពុងពពោះកូនដំបូងហើយ។
ជាមួយគ្នានោះ មហាជនអ្នកគាំទ្ររបស់តារាស្រីរូបនេះ បានបង្ហាញការអបអរសាទរ និង ក្ដីរំភើបជំនួសប្ដីប្រពន្ធមួយគូនេះដែលបានក្លាយជាប៉ាម៉ាក់គេហើយ។ យ៉ាងណា ចំពោះដំណឹងពីការពពោះកូនដំបូងនេះ អ្នកនាង ហ៊ិន ច័ន្ទនីរ័ត្ន ក៏ពុំបានបញ្ជាក់ប្រាប់ពីអាយុ និង ភេទកូនក្នុងផ្ទៃច្បាស់នៅឡើយដែរ។
ដោយឡែក ថ្មីៗនេះ អ្វីកាន់តែចាប់អារម្មណ៍ ក្រោយពី ពិធីការិនី ហ៊ិន ច័ន្ទនីរ័ត្ន ប្រកាសដំណឹងពពោះប៉ុន្មានខែ ដែលពោះរៀងខ្ទាតបន្តិច ក៏បានឃើញអ្នកនាងឈរថតបង្ហាញរូបផ្ទៃពោះជាលើកដំបូងពេញដោយក្ដីរំភើប ប៉ុន្តែក៏ពុំទាន់ប្រាប់ពីភេទកូននៅឡើយ ដែលធ្វើឱ្យអ្នកគាំទ្រកំពុងទស្សន៍ទាយភាគច្រើនថាជាកូនប្រុសទៀតផង៕
សូមចុចទីនេះដើម្បីទស្សនាវីដេអូ៖
