កាលពីរសៀលថ្ងៃទី ១៧ ខែកញ្ញា ឆ្នាំ ២០២៥ កន្លងទៅនេះ តាមរយៈផេកផ្លូវការណ៍ រដ្ឋមន្ត្រីក្រសួងព័ត៌មាន ឯកឧត្តម នេត ភក្ត្រា បានជូនព័ត៌មានទាន់ហេតុកាណ៍ឱ្យបានដឹងថា ទាហានថៃ បានបន្តបំពានលើអធិបតេយ្យភាពកម្ពុជា ដោយបានបន្តរាយបន្លាលួសនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
តាមរយៈឯកឧត្តមរដ្ឋមន្ត្រីក្រសួងព័ត៌មាន បានឱ្យដឹងបន្ថែមថា ក្រៅពីបន្តរាយបន្លាលួសនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ខាងភាគីថៃក៏បានប្រើប្រាស់នូវឧស្ម័នបង្ហូរទឹកភ្នែក មកលើប្រជាពលរដ្ឋកម្ពុជាផងដែរ។
ក្នុងនោះដែរ តាមការឱ្យដឹងពីឯកឧត្តមវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលនៃរដ្ឋបាលខេត្តបន្ទាយមានជ័យបានជម្រាបឱ្យដឹងថា ក្នុងហេតុការណ៍ខាងលើមានអ្នកជំងឺជា វីរៈកងទ័ព ព្រះសង្ឍ និង ប្រជាពលរដ្ឋ ដែលរងរបួសស្រាលនិងធ្ងន់ សរុប ចំនួន ២៩នាក់ ក្នុងនោះស្រី ២ នាក់ ហើយនៅក្នុងមន្ទីរពេទ្យបង្អែកប៉ោយប៉ែត និងមន្ទីរពេទ្យខេត្តមិត្តភាពកម្ពុជា ជប៉ុន មង្គលបូរី ចំនួន ៤ នាក់ និង បានបញ្ជូនទៅកាន់មន្ទីរពេទ្យព្រះអង្គឌួងចំនួន ១ នាក់ (ជាវីរៈកងទ័ព)។
ក្រឡេកទៅស្ថានភាពវីរៈកងទ័ព ដែលត្រូវទាហាន និងប៉ូលិសថៃ បា..ញ់ដោយប្រើកាំភ្លើងគ្រាប់ជ័រ និង គ្រាប់បែកផ្សែងបណ្តាលឱ្យរងរបួសធ្ងន់ធ្ងរចំភ្នែក គឺជាពលបាលឯក ម៉ន ភត្ត្រា យោធិននៅវរសេនាតូច ៥១៣ កងពលតូចថ្មើរជើងលេខ ៥១ ដែលត្រូវបានបញ្ជូនទៅកាន់មន្ទីរពេទ្យអង្គឌួងភ្លាមៗ ក៏ត្រូវបានយកចិត្តទុកដាក់ព្យាបាលយ៉ាងខ្លាំង។ មកដល់ពេលនេះ ពលបាលឯក ម៉ន ភត្ត្រា ក៏បានធ្វើការវះកាត់ដោយជោគជ័យ និង កំពុងបន្តសម្រាកព្យាបាលផងដែរ៕
