កៀកថ្ងៃសែនក្បាលទឹក! មកដឹងត្រណម ១៨ យ៉ាង ត្រូវប្រុងប្រយ័ត្ន ក្នុងរដូវកាលសែនក្បាលទឹក ២០២៥

នៅព្រឹកថ្ងៃទី ២៥ ខែសីហា ឆ្នាំ ២០២៥ នេះ តាមរយៈផេក ហុងស៊ុយ របស់លោកគ្រូចិនសែ ម៉ុង បានចែករំលែកអំពីត្រណមមួយចំនួន តាមក្បួនហុងស៊ុយ ដែលគួរប្រុងប្រយ័ត្នក្នុងរដូវកាលសែនក្បាលទឹក ២០២៥ នេះ ខណៈពិធីសែនក្បាលទឹក នឹងប្រព្រឹត្តទៅនៅថ្ងៃទី ៦ ខែកញ្ញា ឆ្នាំ ២០២៥ ខាងមុខនេះ។

ក្នុងនោះ​លោកគ្រូហុងស៊ុយរូបនេះ បានបញ្ចាក់ពីត្រណមសរុបចំនួន ១៨ ក្នុងរដូវកាលសែនក្បាលទឹក ២០២៥ ដែលមានដូចជា ៖

១. ហាមដាច់យប់

២. ហាមដើរលេងខាងក្រៅ ដាច់យប់

៣. ហាម ស្រែកហៅឈ្មោះលឺៗ ជាពិសេសពេលយប់

៤. ហាមដាក់កន្ដឹង ឬ ទូរស័ព្ទលើក្បាលដំណេក

៥. ហាមដាក់ស្បែងជើងក្បែរគ្រែគេង

6 ហាមផ្អែកជញ្ជាំងផ្ទះ ឬ ជញ្ជាំងរបងខាងក្រៅផ្ទះ

៧. ហាមហែលទឹក ឬ លេងទឹក

៨. ហាមងាកក្រោយ ពេលឮសំលេងចម្លែកហៅអ្នក

៩. ហាមលួចហូបចំនីអាហារដែលគេកំពុងសែន

១០. ហាមយកចង្កឹះចាក់ពីលើបាយ

១១. ហាមថតរូប ពេលយប់

១២. ហាមបញ្ជាំងពិល ទៅលើដើមឈើ ឬ ទីងងឹត

១៣. ហាមស្រែកពាក្យថា (ខ្មោចៗ) មិនថាថ្ងៃឬយប់

១៤. ហាមដេកទាំងសក់នៅរញ៉េរញ៉ៃ

១៥. ហាមហាលខោអាវ ពេលមេឃងងឺត ឬពេលយប់

១៦. ហាមពាក់អាវខ្មៅ ឬ ក្រហម

១៧. ហាមរើសអាហារដែលជ្រុះ មកហូបវិញ

១៨. សូមរៀបចំសែនក្បាលទឹក នៅថ្ងៃទី ០៦ ខែកញ្ញា ឆ្នាំ ២០២៥

គួរឱ្យដឹងផងដែរថា ពិធីសែនក្បាលទឹក ដែលជាពិធីបុណ្យមួយរបស់បងប្អូន​ចិន និង បងប្អូនខ្មែរសែស្រឡាយចិន នឹងឈានចូលមកដល់នៅថ្ងៃទី ០៦ ខែកញ្ញា ឆ្នាំ ២០២៥ ខណៈគិតត្រឹមថ្ងៃទី ២៥ ខែសីហា ឆ្នាំ ២០២៥ នេះ គឺសល់ពេលប្រមាណត្រឹមជាង ១០ ថ្ងៃទៀតប៉ុណ្ណោះ៕