ថ្មីៗនេះ មហាជនលើបណ្ដាញសង្គម ជាពិសេសអ្នកគាំទ្រតាមដានរបស់ពិធីការិនីល្បីឈ្មោះ សុភ័ក្រ្ត កុសុម៉ា បានផ្ទុះចាប់អារម្មណ៍ចែករំលែក និង បង្ហាញការអបអរខ្លាំង បន្ទាប់ពីបានឃើញនាងបង្ហោះសារប្រកាសពីដំណឹងល្អ ដែលបានសម្រេចក្ដីស្រមៃរបស់ខ្លួនមួយទៀត។
ជាមួយការបង្ហោះរបស់ពិធីការិនីរូបនេះ បានធ្វើឱ្យមហាជនអ្នកគាំទ្រជាច្រើនចូលបញ្ចេញមតិដោយក្ដីរំភើបចិត្តជំនួសនាង ខណៈមតិភាគច្រើនរបស់មហាជន គឺអបអរចំពោះអ្នកនាង ដោយយល់ថាពេលនេះកំពុងពពោះកូនដំបូងជាចំណងដៃនៃអាពាហ៍ពិពាហ៍ហើយ។
ដោយឡែក បន្ទាប់ពីទទួលបានការអបអរច្រើនពីមហាជនដោយគិតនាងមានទាយាទស្នងត្រកូលហើយនោះ ក៏បានឃើញ សុភ័ក្រ្ត កុសុម៉ា ចូលឆ្លើយតបក្នុងខមមិនក្រោមការបង្ហោះរបស់នាងបកស្រាយវិញថា ៖ «ខ្ញុំមិនបានមាន BABY អីទេបងប្អូន គឺខ្ញុំសប្បាយចិត្តបានបំពេញក្តីស្រឡាញ់បានបកស្រាយបទចម្រៀង និង រៀបចំក្រុមតន្រ្តី Kosoma Entertainment ក្នុងកម្មវិធីសម្តេច»៕
