ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្របវរកញ្ញា ប៉ូគឹមថេង សុតធីតា បានបង្ហាញក្តីព្រួយបារម្ភយ៉ាងខ្លាំង ខណៈបវរកញ្ញារូបនេះ បានបង្ហាញស្ថានភាពជំងឺរបស់ខ្លួននៅឯមន្ទីរពេទ្យនាប្រទេសវៀតណាម។
ក្នុងនោះ តាមការឱ្យដឹងតាមរយៈវីដេអូរបស់ កញ្ញា ប៉ូគឹមថេង សុតធីតា បានឱ្យដឹងថា នាងបាន និង កំពុងវះកាត់សាច់ដុះបំពង់កនៅឯប្រទេសវៀតណាម។ លើសពីនោះ កញ្ញា ប៉ូគឹមថេង សុតធីតា បានបញ្ជាក់ដែរថា ការវះដុះសាច់បំពង់កលើកនេះ គឺលើកទី ៣ ហើយ ដោយលើកទី ១ និង លើកទី ២ កញ្ញាបានវះកាត់នៅឯប្រទេសកម្ពុជា។
កញ្ញា ប៉ូគឹមថេង សុតធីតា បានឱ្យដឹងទៀតថា សាច់ដុះនៅបំពង់ករបស់កញ្ញាបានវះកាត់ច្រើនដងហើយ តែនៅតែដុះចេញមក ហើយនាងក៏មិនដឹងថាជាសាច់អ្វីដែរ ដោយពេលអំឡុងវះកាត់នៅប្រទេសវៀតណាមនេះ គ្រូពេទ្យបានយកដុំសាច់នោះទៅពិនិត្យមើល ថាតើជាសាច់កាច ឬស្លូត។
យ៉ាងណាមិញ អ្នកគាំទ្រក៏បានជូនពរដល់កញ្ញា ប៉ូគឹមថេង សុតធីតា ឱ្យឆាប់ជាសះស្បើយ និង សង្ឃឹមថាដុំសាច់ដែលដុះនោះមិនមែនជាសាច់កាច៕
សូមចុចទីនេះ ដើម្បីទស្សនាវីដេអូ៖
