អ្នកគាំទ្រ ច្បាស់ជាបានជ្រាបមកហើយ ពីភាពល្បីល្បាញរបស់តារាចម្រៀងរ៉េប វណ្ណដា ដែលអាចចាត់ទុកថា ជាកំពូលតារាចម្រៀងរ៉េបវ័យក្មេងទទួលបានការគាំទ្រយ៉ាងសុសសាយទាំងក្នុង និង ក្រៅប្រទេស។ ក្រៅពីការងារសិល្បៈ ក្រឡេកទៅមើលជីវិតឯកជន ពោលគឺជីវិតគូរបស់ វណ្ណដា វិញ ក៏ត្រូវបានអ្នកគាំទ្រចាប់ក្រសែភ្នែកមើលរាល់គ្រប់សកម្មភាពរបស់លោក និង មិត្តស្រី គឺកញ្ញា Lauryn ផងដែរ។
កន្លងមក មហាជនភាគច្រើនច្បាស់ជាបានជ្រាបហើយពីទំនាក់ទំនងស្នេហារបស់ លោក វណ្ណដា និង កញ្ញា Lauryn បើគិតមកដល់ពេលនេះ អ្នកទាំង ២ បើកចំហស្នេហាជាសាធារណៈប្រមាណជាង ១ ឆ្នាំ កន្លះមកហើយ។ ក្នុងនោះដែរ បើទោះជាចំណងស្នេហ៍កំពុងស្អិតល្មួត ប៉ុន្តែតារាចម្រៀងរ៉េបរូបនេះ និង មិត្តស្រីកម្រនឹងបង្ហាញពីជីវិតគូរបស់អ្នកទាំងលើបណ្តាញសង្គមណាស់ រហូតធ្លាប់មានអ្នកលើកឡើងថា អ្នកទាំង ២ បែកគ្នាទៀតផង។
យ៉ាងណាមិញ ថ្មីៗនេះ នៅក្នុងព្រឹត្តិការណ៍ «សាទរកម្ពុជា» អ្នកគាំទ្រ ដែលបានទៅទស្សនាផ្ទាល់បានឃើញរួចមកហើយនូវសកម្មភាពរបស់គូស្នេហ៍វ័យក្មេងមួយគូនេះ ដោយខាងស្រីរមែងទៅណាមកណានឹងមិត្តប្រុសជានិច្ច។ ជាពិសេសនោះ បើតាមវីដេអូបង្ហោះឡើងពីអ្នកគាំទ្រនៅលើ Tik Tok បានឃើញសកម្មភាពរបស់ វណ្ណដា ដើរតាមក្រោយកៀកកញ្ញា Lauryn ព្រមទាំងលើកអាវគ្របស្មាមិត្តស្រី នៅពេល ដែលអាវនាងធ្លាក់អាវពីស្មា ដែលទង្វើនេះ ធ្វើឱ្យអ្នកគាំទ្រលើកឡើងថា វណ្ណដា មិនសូវបង្ហាញលើហ្វេសប៊ុកនោះទេ តែទង្វើតូចៗនេះ លោកពិតជាមិត្តប្រុសដ៏ល្អមែន៕
សូមចុចទីនេះ ដើម្បីទស្សនាវីដេអូ៖
