គូស្នេហ៍ចាស់ឬ Ex បើទោះលែងពាក់ព័ន្ធគ្នាទៅហើយ ប៉ុន្តែសកម្មភាពសំខាន់ៗតែងដាស់ឱ្យនឹកនាជាញឹកញយ។ បើតាមការស្ទង់មតិរបស់ក្រុមហ៊ុន Ohdoki ដែលជាក្រុមហ៊ុនផលិតឧបករណ៍សិចទំនើបសម្រាប់បុរសហៅថា The Handy គេប្រមូលបានទិន្នន័យរកឃើញថា ៧៦% នៃបុរស និង ៥៩ % នៃនារី តែងតែគិតដល់ដៃគូចាស់ នៅពេលពួកគេកំពុងសម្រេចកាមដោយខ្លួនឯង។
ខណៈមនុស្សគ្រប់គ្នាយល់ថាវាជារឿងឆ្កួត ប៉ុន្តែ លោកស្រី Kristie Overstreet បានបកស្រាយតាមរយៈសារព័ត៌មាន Everygirl ថា ការស្រមើស្រមៃពីអតីតគូស្នេហ៍ឬសង្សារចាស់នៅអំឡុងសម្រេចកាម វាមិនអាក្រក់នោះទេ តែវាមានន័យផ្សេងៗគ្នា។ ជាក់ស្តែង សម្រាប់អ្នកមិនទាន់មានដៃគូថ្មី ឬនៅម្នាក់ឯង កាលណាស្រមៃគិតដល់អ្នកចាស់ មានន័យថា វាជាវិធីដ៏ល្អក្នុងការក្រឡេកទៅក្រោយវិញ មើលឃើញនូវចំណុចដែលល្អៗនៅក្នុងទំនាក់ទំនង។ ដោយឡែក បើកអ្នកកំពុងមានទំនាក់ទំនងជាមួយអ្នកថ្មី ហើយនៅតែគិតដល់អ្នកចាស់អំឡុងពេលសម្រេចកាម មានន័យថា វាជាវិធី ដែលអ្នកកំពុងប្រើទំនាក់ទំនងចាស់ដើម្បីជួយពង្រឹងទំនាក់ទំនងថ្មីឱ្យកាន់តែប្រសើរ។
យ៉ាងណាមិញ មិនមែនគ្រប់គ្នាសុទ្ធតែគិតពីអ្នកចាស់នោះទេ អ្នកខ្លះក៏សម្រេចកាមដើម្បីបន្ធូរអារម្មណ៍ផងដែរ។ តាមការស្ទង់មតិរបស់ក្រុមហ៊ុនខាងលើរកឃើញថា មនុស្ស ២៩% មានតម្រូវការសម្រេចកាមដោយខ្លួនឯង ជាជាងការរួមភេទជាមួយដៃគូ។ ក្នុងនោះរួមបញ្ចូល បុរស១ នាក់ ក្នុងចំណោមបុរស ៣ នាក់ (៣១%) និង ១/៤ នៃស្ត្រី (២៦%)។
ចំណែក តាមការសិក្សារបស់ស៊ុយអែត ស្ត្រីតែងសម្រេចកាមដោយខ្លួនឯង ៩ ដងក្នុងអំឡុងពេល ៣០ ថ្ងៃ ឬស្មើនឹង ២ ដងក្នុងមួយសប្តាហ៍។ លោកស្រី Gemma Nice ដែលជាគ្រូបង្វឹកផ្នែកផ្លូវភេទ និង ទំនាក់ទំនង បាននិយាយថា មនុស្សមួយចំនួនរកឃើញការសម្រេចកាមដោយខ្លួនឯង មានភាពរីករាយជាងរួមភេទជាមួយដៃគូ ដោយសារពួកគេអាចរកឃើញចំណុចស្រៀវស្រើបពិសេស ហើយអាចដឹងពីអ្វីដែលពួកគេចូលចិត្ត និង មិនចូលចិត្ត។ តែបើសម្រេចកាមហួសហេតុ វាអាចធ្វើឱ្យបាត់បង់ចំណង់ជាមួយដៃគូផងដែរ៕
ប្រភព៖ NYP
