ណាត់ជួបគ្នាដំបូង សុំខាងស្រីហិតប្រអប់ជើង ដល់នាងមិនឱ្យហិត ទៅជាខឹងសម្បា រហូតធ្វើរឿងផ្ដេសផ្ដាសស្មានមិនដល់

ថ្មីៗនេះ មាននារីម្នាក់បានទម្លាយពីបទពិសោធគួរឱ្យហួសចិត្តរបស់នាង ដែលត្រូវបុរសម្នាក់សុំហិតជើង ដល់នាងមិនឱ្យហិត ស្រាប់តែគេបើកឡានបុកនាងទាំងកម្រោល។

នាងបានរៀបរាប់ឱ្យដឹងថា នាងបានស្គាល់គ្នាជាមួយនឹងបុរសម្នាក់ឈ្មោះ Circle វ័យ ២៨ តាមរយៈកម្មវិធីរកដៃគូ ហើយក៏បានណាត់ជួបគ្នានៅសណ្ឋាគារ Serena កាលពីថ្ងៃទី ២៤ ខែសីហា ឆ្នាំ ២០២៥ កន្លងទៅ។ នៅពេលមកដល់ បុរសរូបនោះបានសុំហិតជើងរបស់នាង នាងមានអារម្មណ៍មិនសូវល្អចំពោះសំណើនេះប៉ុន្មានទេ តែក៏ប្រាប់ទៅវិញថាបើចង់ហិតជើងនាងណាស់ ទិញស្បែកប៉ាត់តារបស់នាងទៅ នាងលក់ត្រឹម ១០០០ ដុល្លារ នេះគឺជាតម្លៃស្តង់ដា ព្រោះនាងគឺជាម៉ូឌែលជើង។

ក្រោយមកនាងក៏បានចេញទៅបន្ទប់ទឹក ហើយនៅពេលត្រឡប់មកស្រាប់តែបុរសនោះបានលួចអីវ៉ាន់របស់នាងរត់ទៅបាត់ នាងបានតាមទៅដល់កន្លែងចតឡាន បុរសនេះក៏បានបើកឡាន Mercedes SUV មកបំបុកនាងមួយទំហឹង តែជាសំណាងល្អនាងមិនរងរបួសធ្ងន់នោះទេ។ យ៉ាងណាមិញ បុរសខាងលើក៏ត្រូវបានប៉ូលិសចាប់ខ្លួនក្នុងករណីធ្វើបាបរាងកាយ ហើយក៏ត្រូវធានាឱ្យនៅក្រៅឃុំសិន​ នឹងរង់ចាំការកាត់ក្តីបន្តទៀតផងដែរ៕

ប្រភព៖ Independent