មិនលេងសើចទេ! ជំងឺឯកោកំពុងរាតត្បាតជិត ៣០ ប្រទេស នៅអាមេរិកគួរឱ្យបារម្ភជាងគេ ព្រោះអ្នកឯកោសុទ្ធតែវ័យក្មេង

មកដល់ឆ្នាំ ២០២៥ នេះ ក្រុមអ្នកវិទ្យាសាស្ត្រនៃសាកលវិទ្យាល័យ Emory នៅសហរដ្ឋអាមេរិក បានសិក្សាទៅលើប្រទេសចំនួន ២៩ ដោយស្វែងរកអត្រានៃភាពឯកោរបស់ប្រជាជន។ ជាលទ្ធផល គេបានរកឃើញថា ប្រទេសក្រិក និង ប្រទេសជិតខាងគឺ ប្រទេសស៊ីប (Cyprus) មានប្រជាជនឯកោជាងគេ។

ប្រទេសស្លូវ៉ាគី និង អ៊ីតាលី ស្ទើរតែជាប់ចំណាត់ថ្នាក់លេខ ២ នៃលំដាប់អត្រាប្រជាជនឯកា។ ចំណែកសហរដ្ឋ​អាមេរិកក៏​មិន​គួរ​ក្រអឺតក្រទមពេកឡើយ ព្រោះ​​បាន​ជាប់​ក្នុង​លំដាប់ទី ៥ នៃប្រជាជនឯកោ។

ខណៈការស្រាវជ្រាវបង្ហាញថា មនុស្សវ័យចំណាស់មានភាពឯកោច្រើនជាងគេ ប៉ុន្តែក្នុងនោះសហរដ្ឋអាមេរិក មនុស្សដែលឯកោជាងគេគឺមានអាយុមុនឈានចូលវ័យចំណាស់ ពោលចាប់ពីអាយុ ៤០ ឆ្នាំ ដល់ ៦០ ឆ្នំា នេះបើប្រៀបធៀបជាមួយប្រទេសដទៃទៀត លើកលែងតែប្រទេសហូឡង់។

ចំពោះមូលហេតុ ដែលសហរដ្ឋអាមេរិកមានអត្រាមនុស្សឯកោទាំងវ័យក្មេង គេបានរកឃើញទៅលើកត្តាមួយចំនួនដូចជា៖ ការមិនរៀបការ, ការមិនមានការងារធ្វើ, បញ្ហាសុខភាពផ្លូវចិត្ត និង បញ្ហាសុខភាពរាងកាយ។

ខាងក្រោមនេះ ជាលំដាប់កំពូលទាំង ១០ នៃប្រទេស ដែលជាប់ចំណាត់ថ្នាក់ប្រជាជនឯកោបំផុតក្នុងចំណោមការស្រាវជ្រាវប្រទេសចំនួន ២៩ ៖

១. ក្រិក

២. ស៊ីប

៣.ស្លូវ៉ាគី

៤.អ៊ីតាលី

៥. សហរដ្ឋអាមេរិក

៦. អ៊ីស្រាអែល

៧. សាធារណរដ្ឋឆេក

៨. រូម៉ានី

៩. ប៊ុលហ្គារី

១០. ឡាតវី៕

ប្រភព៖ NYP