ជាសញ្ញាដ៏ល្អមួយ ដែលមួយរយៈចុងក្រោយនេះយើងសង្កេតឃើញថាបងប្អូនប្រជាជនខ្មែរ ងាកមកគាំទ្រផលិតជាតិដើម្បីលើកស្ទួយស្នាដៃកូនខ្មែរ ពិសេសលើកស្ទួយវិស័យសេដ្ឋកិច្ចជាតិ ព្រមទាំងសង្វាក់ផលិតកម្មក្នុងស្រុកឱ្យកាន់តែរីកចម្រើន និង ដុះដាលទៅមុខជាបន្តបន្ទាប់។
ជាក់ស្ដែង ក្នុងស្មារតីស្នេហាជាតិ គាំទ្រផលិតផលជាតិ «ប្រជាប្រិយ» សូមលើកយកនូវម៉ាកប្រេងឆាជាស្នាដៃកូនខ្មែរពិតៗ ហើយបងប្អូនអាចសាកល្បងទិញប្រើប្រាស់ដោយទំនុកចិត្តបាន ដែលមានឈ្មោះថា «សុខៈ»។
រោងចក្រប្រេងកន្ទក់ «សុខៈ» គឺជារោងចក្រផលិតប្រេងឆាដំបូងគេបង្អស់នៅប្រទេសកម្ពុជា ដែលមានទីតាំងស្ថិតនៅខេត្តបាត់ដំបង។ ប្រេងឆានេះផងដែរ ទទួលបានវិញ្ញាបនបត្របញ្ជាក់គុណភាពពីប្រទេសកូរ៉េខាងត្បូង ឆ្លងកាត់ការពិសោធយ៉ាងសម្រិតសម្រាំងច្បាស់លាស់ចេញពីមន្ទីរពិសោធ PPM ដែលជាដៃគូរកម្រិតថ្នាក់ពិភពលោក ប្រកបដោយស្តង់ដារអនាម័យខ្ពស់ និង បច្ចេកវិទ្យាទំនើប។ បច្ចុប្បន្នប្រេងឆាសុខៈ មាន ២ ប្រភេទគឺ ប្រេងឆាពោត និង ប្រេងឆាកន្ទក់៕
