គួរប្រយ័ត្ន! ក្នុង «ខែកុម្ភៈ» ឆ្នាំទាំង ៤ នេះ អាចមានរឿងស្មុគស្មាញ ធ្វើឱ្យគិតច្រើន និង ឧស្សាហ៍ឈឺក្បាល

នៅថ្ងៃទី ១៣​ ខែកុម្ភៈ ឆ្នាំ ២០២៥ តាមរយៈផេកហុងស៊ុយបែបវិទ្យាសាស្រ្តរបស់អ្នកគ្រូ ដែលមានឈ្មោះ Master Naly Fengshui បានចែករំលែកពីចំណេះដឹងហុងស៊ុយ អំពីឆ្នាំចំនួន ៤ ដែលត្រូវប្រុងប្រយ័ត្ននៅក្នុងខែកុម្ភៈ ឆ្នាំ ២០២៥ នេះ។

ក្នុងនោះអ្នកគ្រូបានបញ្ចាក់ឱ្យបានដឹងថា សម្រាប់ខែកុម្ភៈនេះ អ្នកកើតឆ្នាំ វក ត្រូវប្រយ័ត្នជាពិសេស បន្ទាប់មកគឺអ្នកកើតឆ្នាំម្សាញ់ ឆ្នាំកុរ និង ឆ្នាំខាល ដែលក្នុងខែនេះ នឹងអាចមានរឿងស្មុគស្មាញដែលធ្វើឱ្យអ្នកគិតច្រើន និង ឧស្សាហ៍ឈឺក្បាលផងដែរ។ ចំណែកវិធីកែ អាចប្រើប្រាស់ជាស្ទីកក័រកាត់ឆុង និងពណ៍តាមធាតុត្រូវការរបស់ឆ្នាំនីមួយៗបាន។

គួរឱ្យដឹងផងដែរថា អ្នកគ្រូ ណាលី ត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ តាមរយៈការចែករំលែកចំណេះដឹងផ្នែកហុងស៊ុយ បែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានា ឱ្យបានត្រឹមត្រូវតាមក្បួនហុងស៊ុយ៕