នៅព្រឹកថ្ងៃទី ៥ ខែធ្នូ ឆ្នាំ ២០២៥ នេះ តារាសម្ដែងស្រីជើងចាស់អ្នកនាង ស្វែង សុជាតា និង គូស្នេហ៍ថ្មី បានក្លាយជាកូនកំលោះកូនក្រមុំក្នុងរោងជ័យហើយ ពោលគឺជាថ្ងៃកម្មវិធីអាពាហ៍ពិពាហ៍របស់អ្នកទាំងពីរ ដែលបានរៀបចំឡើងយ៉ាងធំអធិកអធម។
ក្នុងទិដ្ឋភាពថ្ងៃសិរីមង្គលរបស់អ្នកនាង ស្វែង សុជាតា និង ស្វាមី នាព្រឹកនៃកម្មវិធីមង្គលនេះ បានរៀបចំឡើងនៅគេហដ្ឋានយ៉ាងប្រណីត និង មើលទៅទាំងកូនក្រមុំ កូនកំលោះ ស្រស់ស្អាតស័ក្តិសមគ្នាខ្លាំងក្នុងសម្លៀកបំពាក់ប្រពៃណី និង ពេញដោយស្នាមញញឹមមានសុភមង្គលក្នុងថ្ងៃដ៏មានសិរីសួស្ដីនេះ។
ក្នុងកម្មពិធីនាព្រឹកនេះដែរ គេក៏បានឃើញវត្តមានរបស់បងប្អូនសាច់ញាតិ ភ្ញៀវកិត្តិយស អ្នកសិទ្ធិស្នាល ក៏ដូចជាសិល្បករ-ការិនីជាច្រើន ចូលរួមអបអរសាទរ និង ជូនពរដល់គូស្វាមីភរិយាថ្មីទាំងពីរ៕
