កាលពីថ្ងៃទី ២១ ខែសីហា ឆ្នាំ ២០២៥ កន្លងទៅនេះ នៅខេត្តណារ៉ាធិវ៉ាត ដែលជាខេត្តស្ថិតនៅជាប់ព្រំដែនថៃ-ម៉ាឡេស៊ី មានករណីចលាចលជាថ្មី គឺមានឡានដឹកទំនិញជិត ១០ គ្រឿង ត្រូវបានគេលួចដុតចោលខ្ទេច។
ហេតុការណ៍នេះបានកើតឡើងនៅភូមិលេខ ៦ ឃុំឆាងភឿក ស្រុកចាក់ណេស ខេត្តណារ៉ាធិវ៉ាត។ តាមព័ត៌មានបានឱ្យដឹងថាក្រុមជនដៃដល់ បានចូលទៅអុកឡុកក្រុមហ៊ុនរ៉ែ ដែលមានឈ្មោះថា Asia Mining Co., Ltd. ដោយបានបំផ្លាញអគារការិយាល័យអស់ ១ ខ្នង និងផ្ទះកម្មករ ១ ខ្នង ព្រមទាំងដុតគ្រឿងចក្រ និងរថយន្តដឹកទំនិញខូចខាតសរុបចំនួន ៨ គ្រឿងឯណោះ។
យ៉ាងណាមិញ ជំហានដំបូងខាងសមត្ថកិច្ច និងអាជ្ញាធរបានចុះពិនិត្យកន្លែងកើតហេតុ ហើយបច្ចុប្បន្នកំពុងស៊ើបអង្កេតស្រាវជ្រាវ ដើម្បីតាមចាប់ក្រុមជនដៃដល់យកមកផ្តន្ទាទោសតាមច្បាប់៕
ប្រភព៖ Khaosod
