នៅរសៀលថ្ងៃទី ០១ ខែតុលា ឆ្នាំ ២០២៥ នេះ នាយកដ្ឋានប្រយុទ្ធនឹងជំងឺឆ្លង CDC បានបញ្ជាក់ឱ្យបានដឹងថា រហូតមកដល់ថ្ងៃទី ១ ខែតុលា ឆ្នាំ ២០២៥ នេះ អង្គការសុខភាពពិភពលោក (WHO) មិនទាន់រកឃើញថា ការចាក់វ៉ាក់សាំងកូវីដ-១៩ បង្កឱ្យកើតជំងឺមហារីកនោះទេ។
នាយកដ្ឋានប្រយុទ្ធនឹងជំងឺឆ្លង CDC បានបញ្ជាក់បែបនេះ បន្ទាប់ពីថ្មីៗនេះ មានសារព័ត៌មានបរទេស Daily Mail បានចេញផ្សាយពីការសិក្សាមួយដែលអះអាងថា វ៉ាក់សាំងកូវីដ-១៩ គឺបង្កហានិភ័យនៃការកើតមានជំងឺមហារីកច្រើនប្រភេទ។
ការសិក្សានេះដែរ ធ្វើឡើងដោយក្រុមអ្នកស្រាវជ្រាវក្នុងប្រទេសកូរ៉េខាងត្បូង ដោយពួកគេបានរកឃើញតឹកតាងថា ការចាក់វ៉ាក់សាំងខាងលើនេះ គឺអាចឱ្យអ្នកចាក់ប្រឈមហានិភ័យជំងឺមហារីក ៦ ប្រភេទ ក្នុងនោះរួមទាំងមហារីកសួត មហារីកសុដន់ និង មហារីកក្រពេញប្រូស្តាតផងដែរ៕
