សាកថ្មទូស័ព្ទឱ្យពេញៗ! ចាប់ពីស្អែកដល់ថ្ងៃ ២៧ មេសា ខណ្ឌមួយចំនួននៅភ្នំពេញ នឹងដាច់ភ្លើងប្រើប្រាស់តាមពេលកំណត់នេះ

នៅថ្ងៃទី ២៣ ខែមេសា ឆ្នាំ ២០២៥ នេះ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់នៅតំបន់មួយចំនួនទៅតាមពេលវេលា ចាប់ពីថ្ងៃទី ២៤ ខែមេសា ឆ្នាំ ២០២៥ ស្អែកនេះ ដល់ថ្ងៃទី ២៧ ខែមេសា ឆ្នាំ ២០២៥។

ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុតដោយស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖

១. ថ្ងៃទី ២៤ ខែមេសា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៣៖ មានខណ្ឌទួលគោក ខណ្ឌពោធិ៍សែនជ័យ និង ខណ្ឌច្បារអំពៅ
* ក្នុងចន្លោះម៉ោង ៨ ដល់ម៉ោង ១៦៖ មានខណ្ឌទួលគោក ខណ្ឌសែនសុខ ខណ្ឌឬស្សីកែវ ខណ្ឌមានជ័យ និង ខណ្ឌច្បារអំពៅ

២. ថ្ងៃទី ២៥ ខែមេសា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌទួលគោក និង ខណ្ឌសែនសុខ
* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌទួលគោក ខណ្ឌសែនសុខ ខណ្ឌពោធិ៍សែនជ័យ ខណ្ឌព្រែកព្នៅ និង ខណ្ឌដង្កោ

៣. ថ្ងៃទី ២៦ ខែមេសា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌសែនសុខ
* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌចំការមន ខណ្ឌពោធិ៍សែនជ័យ

៤. ថ្ងៃទី ២៧ ខែមេសា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌសែនសុខ៕

សូមអានសេចក្ដីលម្អិតបន្ថែមនៅខាងក្រោម ៖