សម្ដីព្រៃ! មេទ័ពរងភូមិភាគ ២ ថៃ បោះសម្តីពាលថាកម្ពុជាដូចក្មេងទើបបែកកំលោះ រឹងរូស មិនគួរនិយាយគ្នាទេ បានតែវាយឱ្យខ្ទេចមុនកុំឱ្យធំទាន់

ថ្មីៗនេះ ឧត្តមសេនីយ៍ឯក Nat Sri-in មេបញ្ជាការរងយោធាភូមិភាគទី ២ របស់ថៃ បានផុសសារយ៉ាងវែងអន្លាយមួយនៅក្នុងបណ្តាញសង្គម និយាយពីស្ថានការណ៍ព្រុំដែនកម្ពុជា-ថៃ ហើយជាមួយគ្នានោះមិននឹកស្មានថា លោកបានបោះសម្តីចុងក្រោយយ៉ាងគឃ្លើនមកកាន់ប្រទេសកម្ពុជា ចង់កម្ទេចកម្ពុជា។

ឧត្តមសេនីយ៍ឯក Nat Sri-in បានផុសសារ ៥ ចំណុច ទាក់ទងនឹងស្ថានការណ៍ជម្លោះព្រុំដែនកម្ពុជា-ថៃ។ ចំណែកឯសម្តីចុងក្រោយលោកបានលើកឡើងថា ៖ «និយាយគ្នាឱ្យត្រឹមត្រូវទៅ​ ហេតុអ្វីចាំបាច់ប្តឹងតុលាការអន្តរជាតិ? កម្ពុជាមើលទៅដូចជាក្មេងទើបតែបែកកំលោះ និយាយអ្វីមិនស្តាប់ ចចេសរឹងរូស អ៊ីចឹងមិនចាំបាច់មានកិច្ចព្រមព្រៀងអ្វីទេមើលទៅ វាយឱ្យខ្ទេចមុនកុំឱ្យពេញវ័យទាន់»។

គួរបញ្ជាក់ដែរថា កន្លងមកឧត្តមសេនីយ៍ឯក Nat Sri-in ត្រូវបានគេដឹងថាជានាយទាហានមួយរូប ដែលតែងតែដឹកនាំការចរចាជាមួយនឹងទាហានកម្ពុជា ហើយក៏តែងតែបង្ហាញឱ្យឃើញពីស្មារតីរក្សាសន្តិភាព តែមិននឹកស្មានថាលើកនេះបែរជាហ៊ានបោះសម្តីយ៉ាងគឃ្លើនចំពោះកម្ពុជា៕

ប្រភព៖ Mgronline