នៅថ្ងៃទី ០២ ខែមីនា ឆ្នាំ ២០២៥ មន្ទីរពេទ្យ ហ្លួង ម៉ែ បានចេញសេចក្ដីជូនដំណឹង ស្ដីពីការជ្រើសរើសបុគ្គលិកជាប់កិច្ចសន្យា សរុបចំនួន ៥១ នាក់។
ចំពោះការជ្រើសរើសនេះទៀតសោត គឺមានទៅតាមមុខជំនាញ/ឯកទេស ដូចខាងក្រោម៖
១. វេជ្ជ.ឯកទេសសណ្តំ និង ប្រពោធនកម្ម ១១ នាក់
២. វេជ្ជ.ឯកទេសក្រពះ ពោះវៀន និង ថ្លើម ៤ នាក់
៣. វេជ្ជ.ឯកទេសរោគស្ត្រី ២ នាក់
៤. គិលានុបដ្ឋាកជំនាញសណ្តំ និង ប្រពោធនកម្ម ១៨ នាក់
៥. វេជ្ជ.ឯកទេស វះកាត់ប្រព័ន្ធរំលាយអាហារ ២ នាក់
៦. វេជ្ជ.ឯកទេសវេជ្ជសាស្ត្រទូទៅ ៣ នាក់
៧. គិលានុបដ្ឋាក ១១ នាក់
ចំពោះការដាក់ពាក្យ បេក្ខជន បេក្ខនារី ដែលមានចំណាប់អារម្មណ៍ អាចដាក់ប្រវត្តិរូប (មានបិទរូបថត) និង ពាក្យសុំចូលបម្រើការងារ (CV&Cover letter) ដោយភ្ជាប់ជាមួយឯកសារថតចម្លងរួមមាន អត្តសញ្ញាណប័ណ្ណ សៀវភៅគ្រួសារ ឬ សៀវភៅស្នាក់នៅ សំបុត្រកំណើត សញ្ញាបត្រ និង វិញ្ញាបនបត្របញ្ជាក់ការសិក្សាផ្សេងៗ ទៅដាក់នៅការិយាល័យរដ្ឋបាល រៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅរហូតដល់ថ្ងៃទី ២១ ខែមីនា ឆ្នាំ ២០២៥៕
សូមអានសេចក្ដីលម្អិតនៅខាងក្រោម ៖
