នៅថៃ! ឡានកំពុងបើកសុខៗ ក៏ផ្ទុះឆេះសន្ធោសន្ធៅ រាលដាលដល់ឡានផ្សេងៗអស់ ១០ គ្រឿង និងបំផ្លាញផ្ទះអ្នកស្រុកក្បែរនោះខូចខាតអស់ច្រើនខ្នង

កាលពីថ្ងៃទីយប់ថ្ងៃទី ៩ ខែកញ្ញា ឆ្នាំ ២០២៥ កន្លងទៅនេះ មានហេតុការណ៍ផ្ទុះឆេះឡានមួយគ្រឿងយ៉ាងធ្ងន់ធ្ងរនៅប្រទេសថៃ បណ្តាលឱ្យខូចខាតរាលដល់ឡានក្បែរនោះអស់ ១០ គ្រឿង ហើយផ្ទះអ្នកស្រុកក៏ខូចខាតដែរ។

តាមព័ត៌មានបានឱ្យដឹងថា ហេតុការណ៍ខាងលើនេះបានកើតឡើងលើ​ផ្លូវផេតកាសែម ក្នុង​ស្រុកមឿង ខេត្តរ៉ាតឆៈបុរី ដោយក្នុងនោះរថយន្តខាងលើជាឡានដឹកទំនិញ បានធ្វើដំណើរមកដល់កន្លែងកើតហេតុ​ ក៏ស្រាប់តែផ្ទុះឆេះយ៉ាងខ្លាំង បណ្តាលឱ្យខ្ទេចរូបរាងអស់ ហើយថែមទាំងខូចខាតរាលដាលដល់ឡានផ្សេងៗនៅក្បែរនោះអស់ចំនួន ១០ គ្រឿង ព្រមទាំងផ្ទះអ្នកស្រុកមួយចំនួនក៏ខូចខាតដូចគ្នា។

យ៉ាងណាមិញ យោងតាមសមត្ថកិច្ច និងមន្ត្រីជំនាញបានសង្ស័យថា ឡានមួយគ្រឿងនេះអាចមាននៅសល់កាំជ្រួចចាស់មួយដើមដែលមិនទាន់យកចេញ ដោយម្ចាស់ក៏មិនដឹង ហើយវាអាចកកិតជាមួយនឹងវត្ថុផ្សេងៗនៅក្នុងឡាន ទើបបង្កទៅជាការផ្ទុះឆេះបែបនេះ។ ដោយឡែក ករណីនេះមានអ្នករបួសចំនួន​ ២ នាក់ ហើយអាជ្ញាធរកំពុងតែធ្វើការពិនិត្យ និងស្រាវជ្រាវរកមូលហេតុពិតប្រាកដនៃការផ្ទុះឆេះនេះ៕

ប្រភព៖ Khaosod