កាលពីពេលថ្មីៗកន្លងទៅ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រ និង មិត្តក្នុងសិល្បៈដូចគ្នា មានការចាប់អារម្មណ៍យ៉ាងខ្លាំងនូវសារមួយរបស់អ្នកនាង យក់ ថិតរដ្ឋា ដែលបានបង្ហោះឡើងកាលពីអំឡុងខែមិថុនា ឆ្នាំ ២០២៥ កន្លងទៅ។
សារនោះ អ្នកនាង យក់ ថិតរដ្ឋា បានបង្ហោះពីសិស្សប្អូនម្នាក់ថា៖ «បានជួបច្រើនហើយ តែសម្រាប់សិស្សប្អូនម្នាក់នេះ មិនត្រឹមតែសម្ដីថ្លោសជាងមាឌទេ ថែមទាំងសម្ដីស្រទន់បែបឈ្លើយ តែកុំភ្លេចខ្លួនណាថាភាពល្បី និង រូបសម្រស់របស់មនុស្សយើងម្នាក់ៗ វាមានដែនកំណត់របស់វាណាប្អូន ហើយបងសុំជូនពរឱ្យសិស្សប្អូននៅតែល្បីរហូតកុំធ្លាក់ណា កុំមានអំនួតពេកប្រយ័ត្នតែធ្លាក់មកវិញ សូម្បីតែឆ្កែក៏វាមិនហ៊ានមើល ព្រោះវាខ្លាចឆ្លងសន្តានថោក និង ចរិតអន់ជាងវានោះ!»។
យ៉ាងណាមិញ ស្រាប់តែថ្មីៗនេះតាមរយៈ Teaser នៃកម្មវិធី 3 Fun បានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំង ដោយអ្នកនាង រ៉ាប៊ី បានឱ្យដឹងថា ក្រោយការបង្ហោះសារខាងលើរបស់រៀមច្បង យក់ ថិតរដ្ឋា ស្រាប់តែមានគេលើកឡើងថាជានាង។ ក្នុងនោះ អ្នកនាង រ៉ាប៊ី ក៏សុំឱ្យកម្មវិធីអញ្ជើញអ្នកនាង យក់ ថិតរដ្ឋា បានជួបគ្នាដោយផ្ទាល់។
បើទោះជាវីដេអូពេញមិនទាន់បានចេញផ្សាយយ៉ាងណាក្តី តែអ្នកនាង យក់ ថិតរដ្ឋា ក៏បានបន្ថែមថា សិស្សប្អូនល្បីរូបនោះ ក៏បានឆាតតបតជាមួយនឹងលោក ឃុំ ប៊ុណ្ណាដែត និង លើកឡើងថា អ្នកនាង យក់ ឋិតរដ្ឋា មិនដល់ខ្លួនទៀតផង៕
សូមចុចទីនេះ ដើម្បីទស្សនាវីដេអូ៖
