នៅថ្ងៃទី ១៣ ខែវិច្ឆិកា ឆ្នាំ ២០២៥ នេះ ក្រសួងឧតុនិយមរបស់ប្រទេសថៃបានប្រកាសថា ទីក្រុងបាងកកអាចនឹងមានអាកាសធាតុចុះត្រជាក់ខ្លាំងរហូតដល់ក្រោម ២០ អង្សារ ចាប់ពីថ្ងៃទី ២០ ដល់ ២៣ ខែវិច្ឆិកា ឆ្នាំ ២០២៥។
ក្រសួងឧតុនិយម បានចេញផ្សាយតាមរយៈគំរូព្យាករណ៍ពីមជ្ឈមណ្ឌលអឺរ៉ុបសម្រាប់ការព្យាករណ៍អាកាសធាតុកម្រិតមធ្យម (ECMWF) ហើយបានរំពឹងថាចាប់ពីថ្ងៃទី ២០ ដល់ ២៣ ខែវិច្ឆិកា ឆ្នាំ ២០២៥ ខាងមុខនេះ ទីក្រុងបាងកកនឹងមានសីតុណ្ហភាពក្រោមត្រជាក់ខ្លាំងរហូតដល់ក្រោម ២០ អង្សាសេ។
យោងតាមការចុះផ្សាយបានបង្ហាញដែរថា ចាប់ពីថ្ងៃទី ១៣ ខែវិច្ឆិកា ឆ្នាំ ២០២៥ តទៅ អាកាសធាតុនឹងចុះត្រជាក់បន្តិចម្តងៗ ដែលជះឥទ្ធិពលនៅតាមតំបន់ភាគខាងជើង និង ភាគឦសានខាងលើនៃប្រទេស រួមទាំងទីក្រុងបាងកក ដោយភ្លៀងតិចជាងមុន ជំនួសដោយអាកាសធាតុត្រជាក់ទៅៗ៕
ប្រភព៖ Khaosod
