កាលពីថ្ងៃទី ១០ ខែកក្កដា ឆ្នាំ ២០២៥ កន្លងទៅនេះ សារព័ត៌មានថៃ Bangkokbiznews បានឱ្យដឹងថា ព្រះមហាក្សត្រថៃ រួមនឹងព្រះអនុជ ព្រះមហាចក្រីសិរិន្ទថន បានប្រទានអាវយ័ន្ត កន្សែងយ័ន្តជាច្រើនទៅដល់ទាហានថៃ ដែលនៅតាមជាយដែនកម្ពុជា ដើម្បីទុកការពារខ្លួន។
គ្រឿងព្រះរាជទានទាំងនេះ ត្រូវបានមេទ័ពភូមិភាគ ២ នាំទៅឱ្យទាហានដោយផ្ទាល់នៅជាយដែនកម្ពុជា ថៃ ក្នុងតំបន់ Nam Yuen ខេត្តអ៊ុប៊ុនរាជថានី។ ក្នុងនោះ មេទ័ពភូមិភាគ ២ បានឱ្យដឹងថា ព្រះមហាក្សត្រ និងសម្តេចព្រះមហាចក្រីសិរិន្ទថន មានព្រះទ័យបារម្ភ ទើបប្រទានការគាំទ្រដល់កងទ័ពជួរមុខដែលការពារប្រទេស ដោយយកចិត្តទុកដាក់ចំពោះសុខមាលភាព និងសុវត្ថិភាពរបស់កងទ័ពទាំងអស់។
ដោយទ្រង់បានព្រះទានអាវយ័ន្ត និង កន្សែងយ័ន្ត រួមទាំងវត្ថុស័ក្តិសិទ្ធិជាច្រើន ដែលមានរូបហនុមាន របស់លោកតាសិលា ដែលព្រះសង្ឃល្បីប្រចាំប្រទេសថៃ។ ដោយឡែក គេសង្កេតឃើញថា រូបយ័ន្តទាំងនោះ មិនខុសអ្វីពីរូបយ័ន្តរបស់ខ្មែរឡើយ ហើយថែមទាំងអក្សរខ្មែរចារច្បាស់ៗទៀតផង៕
ប្រភព៖ Bangkokbiznews
