ចប់គ្មានវាចា! តារាសម្តែងប្រុសកូរ៉េម្នាក់ ត្រូវគូដណ្តឹងចាប់បានលួចមានសហាយជាមួយអ្នកសិល្បៈដូចគ្នា ទាំងខ្លួនជិតរៀបការ

កាលពីថ្ងៃទី ៦ ខែមិថុនា ឆ្នាំ ២០២៥ កន្លងទៅ សារព័ត៌មាន allkpop បានរាយការណ៍ឱ្យដឹងតារាសម្តែងប្រុសជនជាតិកូរ៉េម្នាក់ឈ្មោះ Park Jun Hwi វ័យ ៣២ ឆ្នាំ ត្រូវបានគូដណ្តឹងចាប់បានថាលួចលាក់មានស្នេហាជាមួយនឹងតារាសម្តែងស្រីម្នាក់ទៀត ដែលកំពុងត្រៀមសម្តែងល្ខោននិយាយជាមួយគ្នា។

ក្នុងនោះ គូដណ្តឹងរបស់តារាសម្តែងខាងលើ បានចាប់បានថាគេកំពុងលួចលាក់ស្នេហាជាមួយនឹងតារាស្រី Woo Jin Young ដែលមានវ័យ ២៥ ឆ្នាំ ដែលកំពុងតែធ្វើការសម្តែងរឿងជាមួយគ្នា។ ខាងគូដណ្តឹងចាប់បានទាំងគូកំពុងនៅជាមួយគ្នា ហើយបានថតរូបរបស់ពួកគេ រួចយកគណនី IG របស់ខាងប្រុសទៅផុសរូបនោះ ដែលបង្កឱ្យមានការភ្ញាក់ផ្អើលជាខ្លាំង។

យ៉ាងណាមិញ ខាងគូដណ្តឹងក៏បានទម្លាយភស្តុតាងបន្ថែម ដែលជាឆាតសាសងរបស់ពួកគេទាំងពីរ ដោយឃើញថាពួកគេពិតជាមានទំនាក់ទំនងលើសពីមិត្តរួមការងារពិតមែន។ ដោយឡែក ចុងក្រោយខាងផលិតកម្មដែលចាត់ចែងល្ខោននិយាយនោះ ក៏បានដកអ្នកទាំង ២ ចេញពីការសម្តែង ហើយជំនួសដោយតួថ្មីវិញ៕

ប្រភព៖ Kapook